शिवोली: येथील संत फ्रान्सिस झेवियर उच्च माध्यमिक विद्यालयाला शिक्षण खात्याने कारणे दाखवा नोटीस बजावली आहे. पावसाळ्यात विद्यार्थ्यांना धबधब्यावर घेऊन जात त्याचा जीव धोक्यात घातल्याचा ठपका शाळा व्यवस्थापनावर ठेवण्यात आला आहे. व्यवस्थापनाला येत्या सात दिवसात शिक्षण खात्याला उत्तर द्यावे लागणार आहे.
संत फ्रान्सिस झेवियर उच्च माध्यमिक विद्यालयातील ४७ विद्यार्थ्यांना शाळा व्यवस्थापन सत्तरी तालुक्यातील चरावणे धबधब्यावर वर्षा पर्यटनासाठी घेऊन गेले होते. दरम्यान, पावसाचा जोर वाढल्यानंतर विद्यार्थी तेथेच अडकून पडले होते. अग्निशामक दलाच्या जवानांनी विद्यार्थ्यांना सुखरुप बाहेर काढले होते. २६ सप्टेंबर २०२४ रोजी ही घटना उघडकीस आली होती.
गोव्यात यलो अलर्ट जारी करण्यात आला होता. पावसाचा जोर वाढण्याची शक्यता हवामान खात्याने व्यक्त केली होती. असे असताना देखील झेवियर विद्यालयात शिकणाऱ्या ११ वी आणि बारावीच्या विद्यार्थ्यांना चरावणे येथे वर्षा पर्यटनाला घेऊन जाण्यात आले. दरम्यान, पावसाचा जोर वाढल्याने ४७ विद्यार्थी धबधब्यावर अडकून पडले होते. अग्निशामक दलाच्या जवानांनी विद्यार्थ्यांना सुखरुप बाहेर काढले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.