Saal Festival : कित्येक वर्षापासून घोडेमोडणीची परंपरा नानोडा या गावात सुरू असून हे दृश्य पाहण्यासाठी विविध भागातून लोक येत असतात. गुढी पाडव्याच्या पूर्व संध्येला हा कार्यक्रम असतो. यंदाही मोठ्या उत्साहात घोडेमोडणीचा कार्यक्रम पार पडला.
वाटेतील देवतांचा आशीर्वाद घेऊन हे घोडे पारंपरिक वाटेने मार्गक्रमण करीत असतात. नानोड्याची ग्राम देवी श्री सातेरी पूरमार या ठिकाणी पुरोहितांकडून गाऱ्हाणे घातल्यानंतर घोडेमोडणीला सुरुवात होते. अवसरासह हे घोडे चव्हाटेश्वर या ठिकाणी जातात.
तिथे घोड्यांना अवसर येतो. तिकडून ते घोडे पिंपलेश्वर हे पारंपरिक स्थळ, शांतादुर्गा कलंगुटकरीन मंदिरात पोहचल्यावर मंदिराचे पुरोहित भुस्कुटे गावचे मानकरी, ग्रामस्थ यांच्याकडून घोड्यांची पूजा केली जाते त्यावेळी हे दृश्य पाहण्यासाठी लोकांची मोठी गर्दी असते.
आबोली फुलांची माळ घातली जाते. तिकडून ते घोडे रवळनाथ - भूतनाथ या मंदिराकडे जातात. तिथे मान दिल्यानंतर तेथील मानकऱ्यांकडून पूजा-अर्चा केली जाते. सातेरी देवी चरणी कौलप्रसाद दिल्यानंतर घोडे विसावतात. हळूहळू त्यांचा अवसर कमी होतो. घोडेमोडणीची समाप्ती होते. त्यानंतर कळंगुट ग्रामस्थांतर्फे पौराणिक नाटक सादर करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
