पणजी: जमीन हडपप्रकरणातील मास्टरमाईंड व ७ गुन्हे दाखल असलेला रॉयसन रॉड्रिग्ज याला विशेष तपास पथकाच्या (एसआयटी) पोलिसांनी नावेली येथील त्याच्या नातेवाईकांच्या घरावर छापा टाकून अटक केली. ७ पैकी ६ गुन्ह्यांमध्ये जामीन मिळाल्यानंतर तो भूमिगत झाला होता.
पोलिस त्याचा शोध घेत होते. दीड महिन्यापूर्वी नोंद झालेल्या प्रकरणात चौकशीसाठी तो हवा असताना गायब झाला होता. न्यायालयाने त्याला आज ५ दिवसांची पोलिस कोठडी दिली आहे. संशयित रॉयसन रॉड्रिग्ज हा मूळचा मार्ना - शिवोली येथील असून त्याच्याविरुद्ध जमीन हडपप्रकरणी म्हापसा पोलिस स्थानकात २ तर क्राईम ब्रँचमध्ये ६ गुन्हे दाखल आहेत.
या सर्व गुन्ह्यामध्ये त्याला जामीन मिळालेला आहे. २८ मार्च २०२५ रोजी नवी दिल्लीस्थित विन्सेंट डिसोझा यांनी पोलिसांत दिलेल्या तक्रारीत म्हापसा मामलेदार कार्यालयात २९ मार्च २०२१ पूर्वी पावलिना दिनिज, रॉयसन रॉड्रिग्ज, मारियानो आंतोनिओ तेलीस, ब्रांको रॉड्रिग्ज या सर्वांनी बोगस दस्तावेज सादर करून त्यांची मालमत्ता हडप केली असल्याचे नमूद केले होते.
आसगाव गावातील सर्वे क्रमांक ७८/२ मध्ये असलेली मालमत्ता वडिलोपार्जित असून कटकारस्थान रचून संशयितांनी ती हडप केली होती. पोलिसांनी या तक्रारीनुसार गुन्हा नोंदवून घेऊन रॉयसन वगळता इतरांना अटक करून त्यांची नंतर जामिनासाठी सुटका झाली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
