Prostitution in Goa : ऐजीच्या जिवावर बायजी उदार! वेश्याव्यवसायासाठी आणलेल्या चौघींची सुटका; दलाल फरार

क्राईम ब्रँचची वागातोर येथे कारवाई
Prostitution in Goa
Prostitution in GoaDainik Gomantak

Panaji : राज्यात मोठ्या प्रमाणात वेश्‍या व्यवसाय सुरू असूनही त्यातील दलालांना गजाआड करण्यात पोलिसांना अपयश येत आहे. गुन्हा अन्वेषण विभागाच्या गुन्हे शाखेने दोन दिवसांपूर्वी वागातोर येथे टाकलेल्या छाप्यात चार तरुणींना ताब्यात घेऊन त्यांची सुटका करण्यात आली आहे व मेरशी येथील महिला सुधारगृहात रवानगी करण्यात आली आहे.

या चारही तरुणींना दलाल जॉन याने गोव्यात काही महिन्यापूर्वी आणले होते व त्यांना वेश्‍या व्यवसाय करण्यास लावून त्यांच्या मिळकतीवर तो जगत होता. याप्रकरणी पोलिसांनी संशयित दलाल जॉन विरुद्ध गुन्हा दाखल करून त्याचा शोध घेण्यात येत आहे.

कुतिन्हो वाडा - वागातोर येथील बीच रिसॉर्ट तसेच ओझरान येथील गेट ऑफ लियॉनी प्रवेशद्वाराजवळ काही वेश्‍या व्यवसाय करणाऱ्या तरुणी रात्री उशिरापर्यंत गिऱ्हाईक शोधत असतात, अशी माहिती गुन्हे शाखेला मिळाली होती.

त्यानुसार पोलिसांनी ४ जुलै रोजी रात्री साडेनऊच्या सुमारास वागातोर व ओझरान येथे छापे टाकले. या छाप्यावेळी काही तरुणी हॉटेलच्या बाहेर संशयास्पद आढळून आल्या.

Prostitution in Goa
Goa News : गोवा सरकारचा कंपन्यांना दिलासा; 'त्या' निर्णयाचे फार्मा कर्मचाऱ्यांकडून स्‍वागत

एनजीओ व महिला पोलिसांच्या मदतीने त्यांना ताब्यात घेऊन प्राथमिक चौकशी करण्यात आली. या तरुणी मुंबई, दिल्ली, मध्यप्रदेश तसेच उत्तरप्रदेशमधील आहेत. जॉन नामक तरुणाने त्यांना या वेश्‍या व्यवसायासाठी गोव्यात आणून एका ठिकाणी ठेवले होते.

राहत असलेली जागा माहीत नसल्याचे त्या तरूणींनी पोलिसांना सांगितले. त्यांच्याकडे असलेल्या बॅग्जची तपासणी महिला पोलिसांनी केली असता काही संशयास्पद पॅकेटस् आढळून आली.

Prostitution in Goa
Goa Tourism: राज्‍यात पर्यटनाला 'अच्छे दिन' नव्याने येणारा 'डिजिटल नोमॅड व्हिसा’ नेमका काय?

कारवाईपूर्वीच दलाल जॉन निसटला !

दलाल जॉन गिऱ्हाईकांना या तरुणींना पुरवत होता. या तरुणींना ताब्यात घेण्यापूर्वीच त्यांना वागातोर येथे सोडून गेला होता. त्यामुळे तो पोलिसांच्या तावडीतून निसटला.

या तरुणींना वेश्‍या व्यवसायात गुंतवून त्यांच्या पैशांवर संशयित स्वतःचा उदारनिर्वाह करत होता, असे पीडित तरुणींनी एनजीओला दिलेल्या जबानीत सांगितले आहे. त्यांना संशयित जॉन याचे पूर्ण नाव माहीत नसल्याचे सांगून माहिती दडपण्याचा प्रयत्न करत आहेत, अशी माहिती सूत्रांनी दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com