President Draupadi Murmu: गोवा दौऱ्यावर असलेल्या भारताच्या राष्ट्रपती द्रौपदी मुर्मू यांनी मंगळवारी (ता.२२) आझाद मैदान पणजी येथील हुतात्मा स्मरकावर पुष्पहार अर्पण करून गोव्याच्या हुतात्मा स्वातंत्र्यसैनिकांना आदरांजली वाहिली. राष्ट्रपती मुर्मू या तीन दिवसांच्या गोवा दौऱ्यावर आहेत.
मंगळवारी संध्याकाळी राष्ट्रपती द्रौपदी मुर्मू यांनी गोव्यात येताच, अगोदर राजधानी पणजी येथील आझाद मैदानावरील हुतात्मा स्मारकाला भेट देत हुतात्मा स्वातंत्र्यसैनिक ज्यांनी गोव्याच्या मुक्तिलढ्यात आपल्या प्राणांची आहुती दिली त्यांना आदरांजली वाहिली.
या कार्यक्रमादरम्यान, राष्ट्रपती मुर्मू यांच्यासमवेत मुख्यमंत्री डॉ. प्रमोद सावंत, मंत्री बाबूश मोन्सेरात, पणजीचे महापौर रोहित मोन्सेरात,
भाजपाचे ज्येष्ठ नेते श्रीपाद नाईक, गोव्याचे राज्यसभा खासदार सदानंद शेट तानावडे आणि इतर उपस्थित होते.
वाहतूक बंद
यावेळी, पोलिस पथकाने हुतात्मा चौकाच्या आजूबाजूला वाहतूक तात्पुरती बंद केली होती. परिसरात कडक पोलिस बंदोबस्त ठेवून काही येणाऱ्या जाणाऱ्या लोकांची चौकशी पोलिस करत होते. कार्यक्रमादरम्यान बँड पथकाने राष्ट्रपतींचे बँड वाजवत स्वागत केले. आदरांजली अर्पित केल्यानंतर बँडद्वारे राष्ट्रगीत वाजवून कार्यक्रमाची सांगता झाली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
