Goa Panchayat Election: काणकोणात प्रचार शिगेला

आगोंद: काणकोण तालुक्यातील सात पंचायतींच्या निवडणुकीसाठी आज रविवारी सर्व प्रभागांतील उमेदवारांनी प्रचाराचा धुरळा उडविला. मतदारांच्‍या घरी जाऊन त्‍यांच्‍या गाठीभेटी घेण्‍याबरोबरच आपल्‍यालाच मतदान करा, असे सांगायला ते विसरले नाहीत.

( Panchayat election campaigning at Canacona incresed)

तालुक्यातील सात पंचायतींच्‍या 56 प्रभागांतून 172 उमेदवार निवडणुकीच्‍या रिंगणात आहेत. 3 उमेदवार याआधीच बिनविरोध निवडून आलेले आहेत. राज्‍यात भाजपची सत्ता असल्‍याने या पक्षाने समर्थन दिलेल्‍या उमेदवारांचे पारडे जड असल्याचे चित्र आज तरी दिसत आहे. पैंगीण, गावडोंगरी व श्रीस्थळ येथून प्रत्येकी 1 उमेदवार यापूर्वीच बिनविरोध निवडून आलेला आहे.

आगोंद : या पंचायतीत एकूण 7 प्रभाग आहेत. प्रभाग 1 मधून 4 उमेदवार, प्रभाग 2 मधून 3, प्रभाग 3 मधून 4, प्रभाग 4 मधून 2, प्रभाग 5 मधून 3 उमेदवार निवडणूक लढवित आहेत. माजी सरपंच बादल नाईक गावकर विरूद्ध भाजपने समर्थन दिलेल्‍या उमेदवार फातिमा यांच्यामध्ये अटीतटीची लढत अपेक्षित आहे. प्रभाग 6 व प्रभाग 7 मधून प्रत्‍येकी 2 असे एकूण 2० उमेदवार रिंगणात आहेत. काही मोजकेच प्रभाग सोडल्यास प्रत्येक ठिकाणी तिरंगी, चौरंगी, पंचरंगीसुद्धा लढती होणार आहेत.

खोला : या पंचायतीमधून सर्वाधिक 3० उमेदवार निवडणुकीत उतरले आहेत. प्रभाग 1 मधून 3, 2 मधून 4, 3 मधून 3, 4 मधून 4, प्रभाग पाचमधून 2, 6 मधून 4, प्रभाग 7 मधून 3, प्रभाग आठमधून 2 प्रभाग 9 मधून 4 उमेदवार रिंगणात आहेत.

खोतीगाव : या पंचायतीत 7 प्रभाग आहेत. प्रभाग 1 मधून 2, प्रभाग 2 मधून 2, प्रभाग 3 मधून 3, प्रभाग 4 मधून 3, प्रभाग 5 मधून 4, प्रभाग 6 मधून 3, प्रभाग 7 मधून 4 असे एकूण 2० उमेदवार रिंगणात उतरलेले आहेत.

श्रीस्थळ : एकूण 9 प्रभाग आहेत. प्रभाग 1 मधून 3, प्रभाग 2 मधून 2, प्रभाग 3 मधून 5, प्रभाग 4 मधून 5, प्रभाग 5 मधून राजेश वेळीप यांची बिनविरोध निवड झाली आहे, प्रभाग 6 मधून 3, प्रभाग 7 मधून 2 उमेदवार, प्रभाग 8 मधून 3, प्रभाग 9 मधून 3 असे एकूण 27 उमेदवार रिंगणात आहेत.

पैंगीण : एकूण 9 प्रभाग असून प्रभाग 1 मधून 3, प्रभाग 2 मधून 2, प्रभाग 3 मधून 4, प्रभाग 4 मधून सुनील पैंगीणकर यांची बिनविरोध निवड झाली आहे. प्रभाग 5 मधून 2, प्रभाग 6 मधून 3, प्रभाग 7 मधून 4, प्रभाग 8 मधून 3 तर प्रभाग 9 मधून 3 असे एकूण एकूण 29 उमेदवार रिंगणात उतरले आहेत.

लोलये-पोळे : एकूण 9 प्रभाग असून 1 मधून 2, प्रभाग 2 मधून 2, प्रभाग 3 मधून 4, प्रभाग 4 मधून 2, प्रभाग 5 मधून 3, प्रभाग 6 मधून 5, प्रभाग 7 मधून 2, प्रभाग 8 मधून 4 तर नऊ मधून 5 असे 29 उमेदवार निवडणूक रिंगणात राहिलेले आहेत.

गावडोंगरी : एकूण 9 प्रभाग असून एकूण 21 उमेदवार रिंगणात उतरलेले आहेत. प्रभाग 1 मधून 2, प्रभाग 2 मधून 4, प्रभाग 3 मधून 2, प्रभाग 4 मधून 2, प्रभाग 5 मधून यशवंत देसाई यांची बिनविरोध निवड झालेली आहे. प्रभाग 6 मधून 2, प्रभाग 7 मधून 2, प्रभाग 8 मधून 3, प्रभाग 4 मधून 3 उमेदवार रिंगणात आहेत.