चोरी प्रकरणात वास्को पोलिसांच्या अटकेत असलेला संशयित आरोपीने पोलिसांना चकमा देऊन पळ काढला होता. वाहनाची काच फोडून त्यातून अडीच लाख चोरी केल्याचा आरोप त्याच्यावर असून, त्याला एप्रिल अखेरच्या आठवड्यात अटक केली होती. दरम्यान, वैद्यकीय तपासणी करून परत येत असताना तो पोलिसांच्या तावडीतून निसटून जाण्यात यशस्वी झाला.
पी. रमेश असे या संशयित आरोपीचे नाव असून, त्याला पुन्हा अटक करण्यात पोलिसांना यश आले आहे.
संशयित आरोपीचा शोध घेण्यासाठी पोलिसांनी दोन टीम तैनात केल्या होत्या. एक टीम तमिळनाडू येथे त्याच्या लोकेशनवर नजर ठेऊन होती. तर, दुसरी टीम गोव्यात तपास करत होती. दरम्यान, संशयित बेळगावनजिक असल्याची माहिती पोलिसांनी मिळाली. तो गोव्याच्या दिशेने येत असल्याची माहिती मिळताच पोलिसांनी सापळा रचून, चिखली येथे त्याला अटक केली.
काय आहे प्रकरण?
वास्को पोलिसांनी दिलेल्या माहितीनुसार, वाहनाची काच फोडून त्यातून अडीच लाख चोरी केल्याप्रकरणी वास्को पोलिस ठाण्यात चोरीचा गुन्हा दाखल झाला होता. दरम्यान, वास्को पोलिसांनी याप्रकरणी तपास सुरू करून यातील संशयित आरोपी पी. रमेश याला 27 एप्रिल रोजी पोलिसांनी अटक केली.
पोलिसांनी याच दिवशी संशयित आरोपीला वैद्यकीय तपासणीसाठी गोमेकॉत नेण्यात आले. वैद्यकीय तपासणी केल्यानंतर मागे येत असताना तो पोलिसांच्या तावडीतून निसटून पळून गेला. त्यानंतर पोलिस त्याचा चौफेर तपास घेत होते. यासाठी दोन टीम सज्ज करण्यात आल्या. दरम्यान, संशयित आरोपी गोव्याकडे येत असल्याची माहिती पोलिसांनी मिळताच त्यांनी सापळा रचून त्याला चिखली येथे पुन्हा अटक केली. अशी माहिती वास्को पोलिसांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
