पणजी, सांत आंद्रे मतदारसंघातील भाडेकरूंची तपासणी करावी, त्याचबरोबर मतदारसंघात पोलिसांनी रात्रीची गस्त वाढवावी, अशी मागणी करणारे निवेदन येथील काँग्रेसचे नेते मोहन धोंड यांनी आगशी पोलिस निरीक्षकांना सादर केले.
सांत आंद्रे मतदारसंघातही विविध राज्यांतून आलेले कामगार राहतात. स्थानिकांनी अशा कामगारांना भाड्याने खोल्या व फ्लॅट दिले आहेत. यापूर्वी म्हापसा व इतर ठिकाणी पोलिसांनी भाडेकरूंची तपासणी केली, तेव्हा त्यांना कोणतीही कागदपत्रे नसताना वास्तव्य करणारे परप्रांतीय आढळून आले होते. सांत आंद्रे मतदारसंघातही पोलिसांनी तपासणी करावी, अशी मागणी धोंड यांनी केली आहे.
यावेळी धोंड यांच्यासह गटाध्यक्ष मनोज पालकर, युवक कॉंग्रेस अध्यक्ष टेरेन्स पिकार्डो, युवा सरचिटणीस साईश आरोसकर, माजी सरपंच न्यूरा विनोद कामत, सामाजिक कार्यकर्त्या क्वेनो आदी उपस्थित होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
