Goa Politics: ''...त्यामुळे आताच युतीबाबत बोलणे अतिघाईचे ठरेल'' ; युरी आलेमाव यांचं विधान!

Opposition Unity In Goa Elections 2027 Yuri Alemao

मडगाव: विरोधी पक्षांनी एकत्र यावे असे राज्यातील जनतेलाही वाटतेय. विधानसभा निवडणुकीला अजून दोन वर्षांचा कालावधी बाकी आहे. त्यामुळे आताच युतीबाबत बोलणे अतिघाईचे ठरेल, असे मत विरोधी पक्षनेते युरी आलेमाव यांनी व्‍यक्‍त केले.

विधानसभा निवडणुकीला अजून वेळ आहे

प्रसारमाध्यमांनी युतीबाबत केलेल्या प्रश्‍‍नाला उत्तर देताना युरी म्‍हणाले की, विधानसभा निवडणुकीला वेळ असल्याने युतीबाबत बोलण्याची ही योग्य वेळ नाही. पक्षाला जास्तीत जास्त बळकटी देण्‍यासाठी, कार्यकर्त्यांची संख्या वाढविण्‍यासाठी राज्यातील प्रत्येक राजकीय पक्ष प्रयत्‍नशील आहे. अनेकजण काँग्रेस (Congress) पक्षात प्रवेश करण्याच्या विचारात आहेत, असेही ते म्‍हणाले.

युरी आलेमाव, विरोधी पक्षनेते

सध्याच्या स्थितीत सर्व विरोधी पक्षांनी एकत्र रहावे असे गोमंतकीय जनतेला वाटतेय. येत्‍या विधानसभा अधिवेशनात सर्व विरोधी पक्ष एकत्रितपणे पुढे येत लोकांचे प्रश्‍‍न मांडतील. विरोधी पक्षनेता या नात्याने राज्याच्या भल्याचा विचार करणे माझे कर्तव्‍य आहे. त्‍यासाठी सर्व विरोधी पक्षांना एकत्र ठेवूनच मार्गक्रमण करणार आहे.