हजार वर्षांपूर्वीच्या सोरटी सोमनाथ जोतिर्लिंगाचे दर्शन घेण्याची संधी; शनिवारपासून गोव्यात 'सनातन राष्ट्र शंखनाद महोत्सव'

सनातन राष्ट्र शंखनाद महोत्सवात छत्रपती शिवाजी महाराज यांच्या काळातील प्राचीन आणि दुर्मिळ शस्त्रांचे प्रदर्शन ६ हजार चौरसफूट क्षेत्रामध्ये मांडण्यात येणार आहे.
Sanatan Rashtra Shankhnad Mahotsav in Goa 2025
Sanatan Rashtra MahotsavDainik Gomantak
Published on
Updated on

फोंडा: सनातन संस्थेचे संस्थापक सच्चिदानंद परब्रह्म डॉ. जयंत आठवले यांचा ८३ वा जन्मोत्सव गोव्यात साजरा केला जाणार आहे. यानिमित्ताने १७ मेपासून फर्मागुडी, फोंडा येथे ‘सनातन राष्ट्र शंखनाद महोत्सवा’चे आयोजन करण्यात आले आहे. १७ ते १९ मे २०२५ या कालावधीत सनातन संस्थेच्या वतीने फर्मागुडी, फोंडा, गोवा येथील अभियांत्रिकी महाविद्यालयाच्या मैदानावर हा महोत्सव पार पडेल.

भारतासह २३ देशांतील नागरीक, संत, महंत, काही राज्यांचे मुख्यमंत्री, तसेच २५ हजारांहून साधक या महोत्सवाला उपस्थिती लावणार आहेत. महोत्सवासाठी गोवा राज्यातून ५ हजारांहून अधिक साधक, धर्मप्रेमी हिंदु आणि प्रतिष्ठित लोक उपस्थित रहाणार आहेत, अशी माहिती सनातन संस्थेचे प्रवक्ते श्री. अभय वर्तक यांनी पत्रकार परिषदेत दिली.

Sanatan Rashtra Shankhnad Mahotsav in Goa 2025
Goa Accident: इचलकरंजीच्या तरुणाचा गोव्यात अपघाती मृत्यू; कामावरुन घरी जाताना काळाचा घाला

फोंडा येथील ‘पॅन अरोमा’ या हॉटेलमध्ये झालेल्या पत्रकार परिषदेला माजी भारतीय प्रशासकीय सेवा अधिकारी (IAS) अरुण देसाई, गोव्याचे माजी निवडणूक आयुक्त नारायण नावती, कवळे येथील शांतादुर्गा मंदिराचे पुरोहित प्रणव साधले, उद्योजक जयंत मिरिंगकर, जगद्गुरु रामानंदाचार्य स्वामी नरेंद्राचार्य महाराजांचे अनुयायी अनिल नाईक आणि हिंदू जनजागृती समितीचे राज्य संघटक सत्यविजय नाईक हे उपस्थित होते.

ऐतिहासिक आणि दुर्मिळ शिवकालीन शस्त्रांचे भव्य प्रदर्शन!

छत्रपती शिवाजी महाराज यांच्या काळातील प्राचीन आणि दुर्मिळ शस्त्रांचे प्रदर्शन ६ हजार चौरसफूट क्षेत्रामध्ये मांडण्यात येणार आहे.

यात गोव्यातील सौंदेकर घराण्यातील प्राचीन शस्त्रे, कोल्हापूर येथील सव्यासाची गुरुकुलम्चे शस्त्रप्रदर्शन, पुणे येथील शिवाई संस्थानचे शस्त्रप्रदर्शन, तसेच मुख्य आकर्षण म्हणून शिवाजी महाराजांचे सरदार येसाजी कंक यांची तलवार, सरदार कान्होजी जेधे यांचे चिलखत आणि वढू बुद्रुक येथील छत्रपती संभाजी महाराज यांचा साखळदंड आदी विशेषत्वाने पाहण्याची संधी सर्वांना लाभणार आहे.

Sanatan Rashtra Shankhnad Mahotsav in Goa 2025
Goa Fishing Ban: गोव्यात एक जूनपासून दोन महिने मासेमारीला बंदी; सरकारची घोषणा

एक हजार वर्षांपूर्वीच्या सोरटी सोमनाथ जोतिर्लिंगाचे दर्शन

या महोत्सवात एक हजार वर्षांपूर्वीच्या सोरटी सोमनाथ जोतिर्लिंगाचे दर्शन घेण्याची दुर्मिळ संधी सर्वांना मिळणार आहे. हे शिवलिंग मूर्तीभंजक महंमद गझनी याने तोडले होते आणि नंतर त्याचा पुढे अग्निहोत्र संप्रदायाच्या साधकांनी सांभाळ केला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com