Goa Drugs Case: थिवी येथे 71 हजारांच्या गांजासह पश्चिम बंगालमधील एकाला अटक

Goa Drugs Case: कोलवाळ पोलिसांनी आज अंमली पदार्थांच्या छाप्यात पश्चिम बंगालमधील एका व्यक्तीला अटक केली आहे. थिवी मेडल जंक्शन येथे कोलवाळ पोलीस स्टेशनच्या पथकाने अंमली पदार्थांवर छापा टाकला.

यावेळी त्यांनी रब्बानी रा. रसीदुल सरकार (वय 31 वर्षे रा. थिवि, मूळ रहिवासी पश्चिम बंगाल) याला ताब्यात घेतले आहे.

यावेळी त्याच्या कडून 710 ग्रॅम वजनाचा गांजा (अंदाजे 71000 रुपये) जप्त करण्यात आलाय. त्याच्यावर अंमली पदार्थ आणि सायकोट्रॉपिक पदार्थ कायदा, 1985 अंतर्गत एफआयआर दाखल करण्यात आला असून आरोपी सध्या पोलीस कोठडीत आहे.

एसपी नॉर्थ शिवेंदू भूषण, आयपीएस, एसडीपीओ मापुसा श्री यांच्या संपूर्ण देखरेखीखाली ही कारवाई करण्यात आली.

LPSI सोनम वेरेणकर यांच्या नेतृत्वाखाली एचसी पांडुरंग नाईक, पीसी-सुलेश नाईक, सदाशिव परब आणि रामेश्वर गावस यांच्या समवेत अंमली पदार्थांवर छापा टाकला असून पुढील तपास पीएसआय मंदार परब करीत आहेत.