St. Xavier Fest 2023: सेंट फ्रान्सिस झेवियर यांचे फेस्त उद्या सोमवारी ४ डिसेंबर रोजी होणार आहे. दरवर्षी फेस्त 3 डिसेंबर रोजी साजरे केले जाते, परंतु रविवार आल्याने ते उद्या साजरे केले जाईल. सकाळी 10.30 वा. मुख्य प्रार्थना होणार असून त्याला विशेष अतिथी फादर सेबेस्त्यांव मास्कारेन्हस असणार आहेत.
गोवा, दमण आणि दीवचे आर्चबिशप फिलीप नेरी कार्डिनल फेर्रांव यावेळी उपस्थित राहणार आहेत. सेंट फ्रान्सिस झेवियर यांचे फेस्त जगप्रसिद्ध असल्याने मोठ्या संख्येने देश – विदेशातून भाविक येतात. तामिळनाडू, केरळ, आंध्रप्रदेश, तेलंगणा, महाराष्ट्र, गुजरात आणि इतर राज्यांतून मोठ्या संख्येने भाविक येतात. त्यात काहीजण वारीप्रमाणे चालून येण्याचीही प्रथा आहे.
मोठ्या संख्येने पोलिस तैनात करण्यात आले असून वाहतूक व्यवस्थेवर देखील भर दिला गेला आहे. मोठ्या संख्येने भाविक असल्याने वाहतूक कोंडी होण्याची शक्यता आहे. त्यासाठी पोलिसांनी विशेष काळजी घेतली असल्याने चुकीच्या दिशेन वाहने येणार नाही आणि पार्क केली जाणार नाहीत याची विशेष काळजी घेतली गेली आहे.
मुख्य प्रार्थनेला मुख्यमंत्र्यांची उपस्थिती
पहाटे 4 वाजल्यापासून प्रार्थना सुरू होणार असून प्रत्येक तासाला सकाळी 9 पर्यंत त्या चालणार आहेत. त्यानंतर 10.30 वाजता मुख्य प्रार्थना होणार आहे. या प्रार्थनेला मुख्यमंत्री डॉ. प्रमोद सावंत, मंत्रिमंडळातील मंत्री, आमदार आणि इतर मान्यवर उपस्थित असणार आहे. त्यासाठी पोलिस यंत्रणेकडून कडक बंदोबस्त करण्यात आला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
