पणजी : मोपा विमानतळ लिंक रोडच्या बांधकामाचा मार्ग अखेर मोकळा झाला आहे. पंचायत संचलनालयाने वारखंड नागझर पंचायतीला काम थांबवण्याची नोटीस मागे घेण्याचे निर्देश दिले आहेत. लिंक रोडला होणारा मोठा विरोध लक्षात घेत पंचायत संचलनालयानेच आता याप्रकरणी हस्तक्षेप केला आहे. कंत्राटदाराने याप्रकरणी दाद मागितली होती.
मोपा (Mopa) लिंक रोडच्या कामाविरोधात पंचालय संचलनालयाकडे दावा करण्यात आला होता. याप्रकरणी आज पंचायत संचालक सिद्धी हळर्णकर यांच्यासमोर सुनावणी झाली. हा प्रकल्प लोकांच्या हितासाठी फार महत्त्वाचा असून राज्याची अर्थव्यवस्था आणि पर्यटनाला चालना देण्यासाठी महत्त्वाचा आहे. ग्राम पंचायतींना हे काम थांबवण्याचा कोणताही अधिकार नाही. हा सरकारी (Goa Government) प्रकल्प असल्याने लोकांच्या हितासाठीच याचं काम सुरु आहे, असे ताशेरे पंचायत संचालकांनी ओढले आहेत.
मोपा लिंक रोडसाठी पर्यावरण खातं आणि वन खात्याची परवानगी नसल्याचा दावा पंचायतीकडून करण्यात आला होता. मात्र हा दावाही संचालकांनी खोडून काढला आहे. प्रकल्पाला आवश्यक त्या सर्व परवानग्या मिळालेल्या असून वन खात्याने झाडं तोडण्याची परवानगी दिल्याचं त्यांनी स्पष्ट केलं. मोपा विमानतळ (Mopa Airport) लिंक रोड हा मोपा विमानतळ प्रकल्पापासून वेगळा करता येणार नाही. त्यामुळे पंचायतींनी काम थांबवण्याची नोटीस मागे घ्यावी असे निर्देश देण्यात आले आहेत. मात्र पंचायतीने या निवाड्याविरोधात हायकोर्टात जाण्याचा आव्हान देणार असल्याचं म्हटलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
