पणजी: वर्ष २०२२ मध्ये गोवा काँग्रेस पक्षातील आठ आमदारांनी भारतीय जनता पक्षात प्रवेश केला होता. या पक्ष बदलानंतर गिरीश चोडणकर यांनी सभापती रमेश तवडकर यांच्यासमोर पक्ष बदलेल्या आठ आमदारांना कायमचे अपात्र ठरवण्याची मागणी केली होती, मात्र यानंतर त्यांनी तवडकरांच्या आदेशाला उच्च न्यायालयात आव्हान दिले होते. गुरुवारी उच्च न्यायालयाने गिरीश चोडणकर यांची याचिका निकाली काढली.
काँग्रेसमधून भाजपात प्रवेश केलेल्या आठ आमदारांना अपात्र ठरवण्यात यावे अशी मागणी करत गिरीश चोडणकर थेट सर्वोच्य न्यायालयात दाखल झाले होते, मात्र कलम १३६ नुसार सर्वोच्च न्यायालय याप्रकरणी सुनावणी करू शकत नसल्याने सर्वोच्य न्यायालयाने कलम २२६ नुसार त्यांना उच्च न्यायालयात याचिका दाखल करण्याचे आदेश दिले होते आणि सभापतींच्या आदेशाविरोधात घटनेच्या कलम १३६ अंतर्गत गिरीश चोडणकर यांनी याचिका दाखल केली होती.
गुरुवार (१६ जानेवारी) रोजी समोर आलेल्या निकालानुसार उच्च न्यायालायने गिरीश चोडणकरांची याचिका फेटाळून लावली आहे. उच्च न्यायालयाच्या निकालानुसार, यापूर्वी झालेल्या न्यायालयीन सुनावणीमध्येच हा मुद्दा पूर्ण झाला आहे, तसेच याचिकेत कुठलाही नवीन मुद्दा नाही, असे सांगत कोर्टाने याचिका निकाली काढली.
२०२२च्या सप्टेंबर महिन्यात काँग्रेस पक्षामधून दिगंबर कामत, आलेक्स सिक्वेरा, संकल्प आमोणकर, रुडॉल्फ फर्नांडिस, मायकल लोबो, दिलायला लोबो, केदार नाईक आणि राजेश फळदेसाई अशा आठ आमदारांनी एका वेगळ्या गटाची स्थापना करत भारतीय जनता पक्षात प्रवेश केला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.