MLA Sankalp Amonkar
MLA Sankalp Amonkar Dainik Gomantak

MPA Goa: आमदार आमोणकरांनी दिला इशारा; 'एमपीए'च्या 9 नंबर गेटमधून बॉक्साईट वाहतूक झाली बंद

एमपीएचा बेजबाबदारपणा खपवून घेणार नाही

Mormugao Port Authority Goa: मुरगाव पोर्ट अथॉरिटी (MPA) कडून मुरगावच्या लोकांना अतिशय चुकीची वागणूक दिली जात आहे. एमपीए लोकांना गांभीर्याने घेत नाही. त्यामुळेच लोकांना वाहतूक कोंडी आणि प्रदूषणाचा सामना करावा लागत आहे.

जर एमपीएने स्वत:च्या आदेशाचे पालन केले नाही तर गेट क्र. 9 वरून सर्व वाहतूक बंद करण्यास भाग पाडू, असा इशारा मुरगावचे आमदार संकल्प आमोणकर यांनी दिल्यानंतर एमपीएच्या गेट क्र. 9 वरुन सूरु असलेली बॉक्साईट वाहतूक बंद करण्यात आली.

MLA Sankalp Amonkar
CM Pramod Sawant: गोव्याच्या मुख्यमंत्र्यांचा दिल्लीत केंद्रीय आयुष मंत्र्यांच्या हस्ते गौरव

मुरगाव बंदरातून होणारी कोळसा, बॉक्साईट ही अवजड वाहनातून होणारी वाहतूक गेट क्र. 1 मधून करावी असा आदेश एमपीएने काढला. मात्र एमपीएने स्वतःच्याच आदेशाचे पालन न करता गेट क्र. 9 मधून अवजड वाहने सोडत असल्याने वास्को शहरासह देस्तेरो वाडा, एलमॉन्त थिएटर, रुमडावाडा, जेटी हेडलॅण्ड सडा आदी भागात प्रदूषणाची समस्या निर्माण झाली.

कोळसा व बॉक्साईटच्या भुकटीमुळे परीसर प्रदूषित झाला आहे. घराघरात कोळशाचे, बॉक्साईटचे थर तयार झाले आहेत.

अवजड वाहनातून वाहतूक 9 क्र. गेटमधून चालू असल्याने आयओसी जंक्शन ते सडा पर्यन्तचा राष्ट्रीय महामार्ग बॉक्साईटमुळे लालबुंद झाला आहे. याचा वाहनचालकांसह पादचारी तसेच या भागातील नागरिकांना त्रास होत आहे. भुकटीचा आरोग्यावर विपरीत परीणाम होत असल्याने लोक आजारी पडत आहेत.

MLA Sankalp Amonkar
Anjuna Crime: गाडीला ओव्हरटेक केले म्हणून महाराष्ट्रातील पर्यटकावर हल्ला; दोघांना अटक

मुरगावचे आमदार संकल्प आमोणकर यांनी एमपीएला याबाबत फटकारले. एमपीएने स्वत:च्या आदेशाचे पालन केले नाही तर गेट क्रमांक 9 वरून सर्व वाहतूक बंद करण्यास भाग पाडू, असा इशारा आमदार आमोणकर यांनी दिला.

एमपीएने काढलेल्या आदेशानुसार सर्व अवजड वाहने गेट क्र. 1 मधून बाहेर पडली पाहिजे. तसेच ट्रकवर ताडपत्री घालून वाहतूक करणे क्रमप्राप्त आहे. यापुढे एमपीएचा बेजबाबदारपणा खपवून घेणार नाही, असा इशारा आमदार संकल्प आमोणकर यांनी दिला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com