गोविंद गावडेंच्या भाजप प्रवेशाचा मार्ग मोकळा

पणजी : अपक्ष आमदार गोविंद गावडे (Govind Gaude) भाजपत येत असल्यास त्यांचं स्वागतच असेल. त्यांनी भाजपात प्रवेश केल्यास प्रियोळमधून त्यांनाच उमेदवारी द्यावी लागेल. तो पक्षाचा निर्णय असेल, अशी घोषणा गोवा भाजप प्रदेशाध्यक्ष सदानंद शेट तानावडे यांनी केली आहे.

गोविंद गावडेंना उमेदवारी दिल्याच्या परिस्थितीत कोणी पक्षविरोधी बंड केल्यास त्याच्यावर कारवाई करण्यात येईल. प्रियोळ भाजप (BJP) मंडळ पक्षाच्या निर्णयाविरोधात जाणार नाही, असंही भाजप प्रदेशाध्यक्ष तानावडे यांनी स्पष्ट केलं आहे. गोव्यात सध्या फोडाफोडीचं राजकारण शिगेला पोहोचलं आहे. त्यातच ज्या नेत्यांचं त्यांच्या मतदारसंघात प्राबल्य आहे, अशांना आपल्या पक्षात घेण्यासाठी रस्सीखेचही सुरु आहे.

गोविंद गावडे सध्या सध्याच्या भाजप सरकारमध्ये कला आणि सांस्कृतिक तसेच आदिवासी विकास मंत्री म्हणून काम पाहिलेलं आहे. तसेच प्रियोळ मतदारसंघात गोंविंद गावडे यांची लोकप्रियताही चांगली आहे. त्यामुळे भाजपला आगामी निवडणुकीत (Goa Election) त्याचा फायदाच होणार आहे. गोव्यात (Goa) सध्या भाजपसमोर अनेक आव्हानं उभी ठाकलेली आहेत. यात पक्षांतर्गत कलहाचीही शक्यता नाकारता येत नाही. त्यामुळे गोविंद गावडेंना भाजपने उमेदवारी दिल्यास त्यांच्यावर पक्षांतर्गत कारवाईचा इशाराही देण्यात आला आहे.