Mahadayi Water Dispute: केंद्रीय गृहमंत्री अमित शहांनी म्हादईबाबत केलेल्या वक्तव्याचा राज्यात निषेध करण्यात येत आहे. या प्रकरणावर आता पर्यावरण मंत्री निलेश काब्राल यांनी भाष्य केले असून अमित शहांच्या वक्तव्याचा निषेध केला आहे. शहांसोबत झालेल्या बैठकीत आम्ही केवळ म्हादई वाचवण्यावर चर्चा केली होती असेही त्यांनी यावेळी सांगितले.
"आम्ही गृहमंत्री अमित शहा यांची भेट घेतली होती त्यावेळी आम्ही केवळ म्हादई वाचवण्यावर चर्चा केली होती. त्यावेळी पाणी वळविण्यास आमचा विरोध असल्याचे त्यांना सांगितले होते. म्हादईचे पाणी वळविण्याचा निर्णय मुख्यमंत्र्यांनी घेतलेला नाही."
"म्हादई नदीचा प्रश्न जर कायमचा सुटणार असेल तर मी राजीनामा देण्यास तयार आहे. पुन्हा शिष्टमंडळ शहा यांची भेट घेणार आहे. यावेळी शहांकडे त्या व्यक्तव्याचे स्पष्टिकरण मागणार आहोत."
"म्हादई विषयावर मुख्यमंत्री तसेच सरकार गंभीर असून म्हदाईचे पाणी वळविण्याला आमचा विरोध आहे." म्हादई वाचविण्यासाठी आम्ही सर्व ते प्रयत्न करणार आहोत. म्हादईच्या रक्षणासाठी आम्ही झगडत राहू. राजकीय आणि कायदेशीर अशा दोन्ही मार्गांनी नदीचे रक्षण करु" असे आश्वासन यावेळी काब्राल यांनी दिले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
