दक्षिण गोवा नियोजन व विकास प्राधिकरणाने (एसजीपीडीए) आज मडगावचा विकास आराखडा : 2023 बाबत सुनावणी निश्र्चित केली होती. यावेळी अनेकांनी या आराखड्याला विरोध केला व आराखडा रद्द करण्याची तसेच सर्व मडगावकरांना विश्र्वासात घेऊन केवळ मडगावचे हित नजरेसमोर ठेवून कलम 25 डीसीपीअंतर्गत नवीन आराखडा तयार करण्याची मागणी केली.
‘गोंयच्या फुडल्या पिळगेखातीर’ या संस्थेने एकूण 29 हरकतींचे निवेदन एसजीपीडीए अधिकाऱ्यांना सादर केले. यासंदर्भात बोलताना सावियो कुतिन्हो यांनी सागितले की, वेगवेगळ्या दृष्टिकोनातून या 29 हरकती सादर करण्यात आल्या आहेत. सखल भाग, झोनांमध्ये केलेले बदल, रस्ते, रिंग रोड, जलस्त्रोत, साळ नदी अशा वेगवेगळ्या विषयांवर या हरकती आहेत. रिंग रोडचा प्रश्र्न 30 वर्षे तसाच पडून आहे.
सदर आराखड्यात सिने लता ते अपोलो इस्पितळापर्यंत 15 मीटरचा रस्ता दाखवला आहे खरा. पण आता तिथे नवीन बांधकामे आली आहेत. रेल्वे क्वॉटर्सचीही उभारणी झाली आहे. आराखड्यात रस्ता दाखवूनही त्या जागांमध्ये बांधकामांना परवानगी देण्यात आली आहे.
डिसेंबर 2022 मध्ये एसजीपीडीएने मडगावचा विकास आराखडा : 2023 जाहीर केला. 11 जानेवारी 2023 रोजी आमच्‍या संस्थेने 29 हरकती सादर केल्या. 10 मार्च 2023 रोजी आम्हाला पाहणीसाठी बोलाविले होते व आज सुनावणी निश्र्चित करण्यात आली होती. या आराखड्यात बदल करणे गरजेचे आहे.
जॅक मास्कारेन्हस, ‘गोंयच्या फुडल्या पिळगेखातीर’चे अध्यक्ष
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
