loksabha Election : मयेत सर्व पक्षांकडून प्रचाराचा धडाका; भाजपसह आरजी, काँग्रेसनेही घरोघरी वाटली पत्रके

loksabha Election :

डिचोली, मये विधानसभा मतदारसंघात लोकसभा निवडणुकीच्या प्रचाराची धामधूम सुरु झाली आहे. भाजपसह काँग्रेस आणि ''आरजी''ने प्रचार सुरु केला आहे. प्रचारकार्यात सध्या तरी भाजप आघाडीवर असल्याचे दिसून येत आहे.

मये मतदारसंघातून मतांची मोठी आघाडी मिळवण्यासाठी भाजपने कंबर कसली असून आमदार प्रेमेंद्र शेट प्रचाराच्या मैदानात उतरले आहेत. भाजपचा ''गड'' म्हणून ओळखण्यात येणाऱ्या मये मतदारसंघात आघाडी मिळवण्याचे भाजपसमोर ''आव्हान'' असल्याचे जाणवत आहे.

प्रेमेंद्र शेट यांचा जनतेशी संवाद

भाजपने घरोघरी प्रचारावर भर दिला आहे. मयेचे आमदार प्रेमेंद्र शेट यांच्या नेतृत्वाखाली प्रचारकार्य सुरू असून भाजप मंडळाचे पदाधिकारी आणि कार्यकर्ते प्रचारकार्यात सहभागी होत आहेत. जनतेशी संवाद साधताना भाजपच्या संकल्पपत्राचे वाटप करण्यात येत आहे.