म्हार्दोळमध्ये बिबट्या घरात घुसला

बिबट्याला जेरबंद करण्यासाठी वनविभागाची कसरत, परिसरात घबराट
Leopard spotted in Mardol
Leopard spotted in MardolDainik Gomantak

फोंडा : फोंड्याजवळ असलेल्या म्हार्दोळ परिसरात घराशेजारी असलेल्या खोपट्यामध्ये बिबट्या घुसल्याने एकच खळबळ उडाली आहे. बिबट्याचा भरवस्तीत वावर आढळल्याने परिसरात भीतीचं वातावरण आहे. वनविभागाला घटनेची माहिती देण्यात आली असून बिबट्याला जेरबंद करण्यासाठी वनविभागाचे अधिकारी घटनास्थळी दाखल झाले आहेत. सध्या हा भाग सील करण्यात आला आहे. (Leopard spotted in Mardol News Updates)

Leopard spotted in Mardol
गोव्यात 1 जुलैपूर्वी सिंगल यूज प्लॅस्टिकवर येणार बंदी

बागा सीमेपाईण म्हार्दोळ येथील रामदास नाईक यांच्या घराला लागून असलेल्या लाकूड साठा केलेल्या खोपटीत बिबट्या (Leopard) सध्या बसून असल्याची माहिती आहे. सकाळी रामदास देवपूजा करण्यासाठी फुले काढण्यासाठी गेले असता हा बिबट्या खोपटीत निवांत पडलेला त्यांना दिसल्याने त्यांची चांगलीच घाबरगुंडी उडाली. त्यांनी लगेच परिसरातील इतरांना याबाबत माहिती दिली आणि पोलीस तसेच वन (Forest) खात्याला कळवण्यात आले.

Leopard spotted in Mardol
फातोर्डातील अपघातप्रकरणी बस चालक दोषी, न्यायालयाने ठोठावली शिक्षा

सध्या म्हार्दोळमधील (Mhardol) हा परिसर सील करण्यात आला असून वन खात्याचे अधिकारी आणि कर्मचारी जाळे, गुंगीचे इंजेक्शन यासारखे साहित्य घेऊन घटनास्थळी आले आहेत. दरम्यान या भागातील कुत्र्याची तीन पिल्ले नाहीशी झाल्याची माहिती स्थानिकांनी दिली. कुत्र्याला पकडण्यासाठीच हा बिबट्या भर लोकवस्तीत आला असावा असा अंदाज व्यक्त करण्यात येत आहे. कदाचित कुत्र्यांना खाऊन सुस्ती आल्याने किंवा सकाळी लोकांची लगबग पाहून बिबट्या खोपटीत असुरक्षेमुळे थांबला असावा असा अंदाजही बांधला जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com