पणजी: केंद्रीय प्रदूषण नियंत्रण मंडळाने (CPCB) गोव्यासह सर्व राज्य प्रदूषण प्राधिकरणांना प्लॅस्टिकवर बंदी घालण्याचे निर्देश दिले आहेत. केंद्रीय प्रदूषण नियंत्रण मंडळाच्या निर्देशानुसार, सर्व राज्यांच्या प्रदूषण प्राधिकरणांनी 1 जुलैपूर्वी राज्यांमध्ये (State) एकवेळ वापरण्यात येणाऱ्या प्लास्टिकवर (सिंगल यूज प्लॅस्टिक) संपूर्ण बंदी घालायची आहे. (Goa News)
सिंगल यूज प्लॅस्टिक (Plastic) वस्तूंच्या उत्पादकांना जारी केलेली संमती आणि नोंदणी रद्द करण्याचे निर्देश देखील केंद्रीय प्रदूषण नियंत्रण मंडळाने राज्य प्रदूषण प्राधिकरणांना (सीपीसीबी) दिले आहेत. सीपीसीबीने 1 फेब्रुवारी रोजी जारी केलेल्या पत्रात म्हटले आहे की, "निर्धारित अटींचे उल्लंघन केल्याचे आढळल्यास संस्थांना जारी केलेले व्यावसायिक परवाने रद्द करण्यात येतील"
गोवा राज्याने उचलेली पावले
गेल्या वर्षी ऑक्टोबरमध्ये गोवा (Goa) पर्यावरण विभागाने सर्व सरकारी विभाग, स्वायत्त संस्था,
कॉर्पोरेशन्स आणि स्थानिक प्राधिकारणांना एकेरी वापरल्या जाणार्‍या प्लास्टिकचा वापर थांबवण्यासाठी पावले उचलण्याचे निर्देश दिले होते.
सर्व सरकारी कार्यालयांना प्लॅस्टिक फुले, बॅनर, झेंडे, फुलांची भांडी, पाण्याच्या बाटल्या, प्लास्टिक फोल्डर इत्यादी प्लास्टिक उत्पादनांचा वापर करण्यास परावृत्त करण्यात आले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
