फातोर्डा : निष्काळजीपणे वाहन चालवून अपघातास कारणीभूत असलेल्या काकोड - कुडचडे येथील मिनी बसचालक आंतोनियो रोबेलो (वय 48) याला न्यायालयाने (court) दोषी ठरवून शिक्षा ठोठावली आहे. या अपघाताची घटना 20 ऑक्टोबर 2019 रोजी दिकरपाली मडगाव येथे घडली होती. आरोपपत्रानुसार दोषी ठरलेला चालक बस चालवत होता. या दरम्यान बसचालकाने एका वाहनाला ओव्हरटेक करण्याच्या नादात समोरून येत असलेल्या एका दुचाकीला धडक (accident) दिली होती. यावेळी दुचाकीवर असलेले दोघेजण जखमी झाले होते.
यासंबंधी मायणा कुडतरी पोलिसांनी वरील आरोपीविरुद्ध मडगावच्या न्यायालयात आरोपपत्र सादर केले होते. मडगावच्या (Margao) प्रथमवर्ग न्यायदंडाधिकारी मनिषा पारकर यांच्या न्यायालयाने आरोपीला भा. द. सं. 279, 337 कलमाखाली दोषी ठरवून दंडाची शिक्षा ठोठावली. दंडाची रक्कम न भरल्यास दीड महिना कैदेची शिक्षा भोगावी, असे न्यायालयाने आदेशात म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
