CM Pramod Sawant : सरकारतर्फे विद्यार्थ्यांसाठी शिका आणि कमवा (शिकताना कमवा) ही योजना जाहीर करण्यात येणार आहे. एप्रिलमध्ये या योजनेचे लाँच करण्यात येणार आहे. याबाबतची माहिती मुख्यमंत्री डॉ. प्रमोद सावंत यांनी दिली.
युवा उद्योजक अथवा वाहतूक उद्योजक योजना लवकरच सरकारतर्फे उपलब्ध करण्यात येणार असल्याची घोषणा काल वाहतूकमंत्री माविन गुदिन्हो यांनी केली होती. गोवा माईल्सकडून युवकांना टॅक्सी सेवा सुरू करण्यासाठी मदत केली जाणार आहे.
योजनेबद्दल माहिती देताना मुख्यमंत्री म्हणाले, "सरकार एप्रिलमध्ये "शिका आणि कमवा (शिकताना कमवा)" योजना लाँच करणार आहे. सूर्य, वाळू आणि समुद्र यांच्याशी निगडीत कौशल्यावर सरकारला भर द्यायचा आहे."
"भारत G20 बैठकांचे आयोजन करत आहे. G20च्या गोव्यात 8 सभा होणार आहेत. यानिमित्ताने गोमंतकीयांना हस्तकलेचे कौशल्य दाखवण्याची संधी आहे. डाळ आणि इतर कृषी उत्पादनांसह भेटवस्तू म्हणून हस्तकलेचे कौशल्य दाखवण्याची गोमंतकीयांसाठी ही एक संधी आहे असे मुख्यमंत्री डॉ. सावंत म्हणाले.
काल वाहतूकमंत्र्यांनी युवा उद्योजक अथवा वाहतूक उद्योजक योजना लवकरच उपलब्ध करण्यात येणार असल्याची माहिती दिली. तसेच ही योजना बेरोजगारांसाठी सुरू केली आहे. त्याची तयारी झाली आहे. लवकरच मुख्यमंत्र्यांच्या हस्ते या योजनेचे उद्‍घाटन केले जाईल असेही सांगितले.
या टॅक्सी ॲप सेवेसाठी युवकांना कोणतीच रक्कम वा डाऊन पेमेंट गुंतवावे लागणार नाही. गोवा माईल्स युवकांना स्वतःचे भांडवल वापरून टॅक्सी उपलब्ध करून देणार आहे. ही योजना ॲप आधारित आहे. त्यामुळे अनेक बेरोजगार युवकांना रोजगाराच्या संधी उपलब्ध होतील, असे मंत्री गुदिन्हो यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
