अपक्ष आमदार रोहन खंवटे यांनी आमदारकीचा दिला राजीनामा

पर्वरीचे अपक्ष आमदार रोहन खंवटे (Rohan Khaunte) यांनी आज आमदारकीचा राजीनामा दिला व त्या संदर्भात चे पत्र आज उपसभापती राजेश पाटणेकर यांना सादर केले. आमदारकीचा राजीनामा दिल्यानंतर ते आगामी विधानसभा निवडणूक कोणत्या पक्षातून लढवणार हे त्यांनी गुप्त ठेवले आहे येत्या काही दिवसात त्याची माहिती देऊ असे त्यांनी सांगितले.

राज्यात सध्या विविध राजकीय पक्षांचा प्रवेश होत असल्याने त्या पार्श्वभूमीवर प्रतिक्रिया व्यक्त करताना ते म्हणाले की राज्यामध्ये खेळण्याची दुकाने मोठ्या प्रमाणात थाटली जात आहेत व लोकांना ही खेळणी देण्याचा प्रयत्न केला जात आहे मात्र ते आपण करू देणार नाही असे त्यांनी स्पष्टपणे सांगितले तर ते येत्या काही दिवसात भाजपमध्ये प्रवेश करण्याची चर्चा जोरदार सुरू आहे.