पणजी : गोव्यात पावसाने हाहाकार माजवला असून सोमवारी सकाळपासूनच संपूर्ण गोव्याला पावसाने झोडपून काढलं आहे. मुसळधार पावसामुळे ठिकठिकाणी पाणी साचलं असून अनमोड घाटात दरड कोसळली. सध्या ही दरड हटवण्याचे काम युद्धपातळीवर सुरु असून. वाहतुकीवर परिणाम झाला आहे.
अनमोड घाटात दुधसागर मंदिरापासून खालच्या बाजूला गोवा हद्दीत दरड कोसळल्याची माहिती आहे. दरड कोसळल्याने वाहतूक ठप्प झाली असून दोन्ही बाजूंना वाहनांच्या लांबच लांब रांगा लागल्या आहेत. गोवा-कर्नाटक मार्गावर प्रवास करणाऱ्या प्रवाशांना मात्र दरड कोसळल्याने नाहक मनस्ताप सहन करावा लागत आहे.
दरम्यान गोव्यात पावसाने सकाळपासूनच दमदार बॅटिंग केली आहे. राजधानी पणजीत पाणी साचल्याने वाहतुकीचे तीनतेरा वाजले आहेत. तर मेरशी जंक्शनपासून पणजीत येणाऱ्या मार्गावर वाहनांच्या लांबच लांब रांगा लागल्या होत्या. मिरामार सर्कल, बांबोळी परिसरातही पाणी तुंबल्याने वाहतूक कोंडी पाहायला मिळत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.