Mopa Airport: मोपावरून येणाऱ्या प्रवाशांना दिलासा, एसी बसच्या भाडे दरात मोठी कपात; असे आहेत नवे दर

Manohar International Airport: उत्तर गोव्यात नव्याने सुरू झालेल्या मोपा विमानतळवर येणाऱ्या प्रवाशांसाठी सरकारने कदंब महामंडळ बससेवा सुरू केली.

बससेवा सुरू केली पण ही सेवा महाग असल्याची नाराजी प्रवाशांनी व्यक्त केली. कदंब बससेवेचे दर महाग असल्याचे कदंब महामंडळाचे अध्यक्ष उल्हास तुयेकर यांनी मान्य केले होते.

दरम्यान, मोपावरून येणाऱ्या प्रवाशांसाठी महत्वाची आणि दिलासादायक बातमी समोर आली असून, कंदब एसी इलेक्ट्रिक बसच्या भाडे दरात कपात करण्याचा निर्णय घेण्यात आला आहे.

जुने दर कसे होते?

मोपा - मडगाव - 500 रुपये,

मोपा - पणजी 250 रुपये

मोपा - म्हापसा 200 रुपये

असे आहेत नवे दर.

मोपा - मडगाव - 400 रुपये,

मोपा - पणजी 200 रुपये

मोपा - म्हापसा 150 रुपये

दरम्यान, मोपातून थेट सासष्टीला जाण्यासाठी टॅक्सी शुल्क जास्त असल्याने कदंब महामंडळाची बस घेऊन प्रवास करण्याची सुविधा आहे, परंतु कदंब महामंडळाने दर जास्त ठेवल्याने प्रवाशी नाराजी व्यक्त करत आहेत.

पणजी ते मडगाव शटल बससेवा दर 50 रुपये असून मोपा ते मडगाव थोडा जास्त दर अपेक्षित होती. मात्र खूपच महाग ठेवल्याने जनतेकडून टीका होत होती. दरम्यान, दर कपात केल्याने प्रवाशांना काहीसा दिलासा मिळणार आहे.