Konkan Railway 15 August Long Weekend Special Train 2024
पणजी: कोकण रेल्वेच्या वतीने या आठवड्यात मुंबई ते मडगाव विशेष रेल्वे गाडी सोडण्याचा निर्णय घेण्यात आला आहे. स्वातंत्र्यदिन आणि त्यानंतर येणाऱ्या विकेंड यामुळे वाढत्या प्रवाशांची संख्या लक्षात घेता विशेष गाडी सोडण्यात येणार आहे. १५ आणि १७ ऑगस्ट असे दोन दिवस ही विशेष गाडी सोडली जाणार आहे.
कोकण रेल्वेच्या वतीने देण्यात आलेल्या माहितीनुसार, सलग सुट्या असल्याने कोकण मार्गावर प्रवाशांची गर्दी वाढण्याची शक्यता आहे. गर्दीच्या पार्श्वभूमीवर दोन दिवस विशेष गाड्या सोडण्याचा निर्णय घेण्यात आला आहे.
कोकण रेल्वेच्या वतीने ०११४९ / ०११५० लोकमान्य टिळक टर्मिनस- मडगाव - लोकमान्य टिळक टर्मिनस ही विशेष गाडी सोडली जाणार आहे.
ट्रेन क्रमांक ०११४९ लोकमान्य टिळक (टी) ते मडगाव जंक्शन १५ आणि १७ ऑगस्ट रोजी रात्री नऊ वाजता मुंबईतून सुटतील आणि सकाळी दहा वाजता मडगाव जंक्शन येथे पोहोचेल.
ट्रेन क्रमांक ०११५० मडगाव ते लोकमान्य टिळक (टी) १६ आणि १८ ऑगस्ट रोजी सकाळी ११ वाजता मडगाव स्थानकावरुन सुटेल आणि रात्री १२.४० वाजता मुंबईत पोहोचेल.
२१ डब्यांची ही विशेष ट्रेन ठाणे, पनवेल, पेण, रोहा, माणगाव, वीर, खेड, चिपळूण, सावर्डा, आरवली रोड, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, नांदगाव रोड, कणकवली, कुडाळ, सावंतवाडी रोड, थिवी आणि करमळी स्थानकावर थांबेल.
मुंबई - मडगाव विशेष ट्रेनबाबत अधिक माहितीसाठी enquiry.indianrail. gov.in ला भेट या संकेतस्थळाला भेट देता येईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.