Margao Crime: खबऱ्याने गुप्त माहिती दिली अन् 4 तासांत कोकण पोलिसांनी चोरट्याला अटक केली; सोन्याची चैन हिसकावून झाला होता फरार

Konkan Railway Police: मडगाव रेल्वे स्थानकावरुन महिलेच्या गळ्यातील सोन्याची चैन हिसकावून फरार झालेल्या चोरट्याला कोकण पोलिसांनी चार तासांत अटक केली.
Arrest
ArrestCanva
Published on
Updated on

मडगाव: रेल्वे स्थानकावरुन महिलेच्या गळ्यातून सोन्याची चैन हिसकावून फरार झालेल्या चोरट्याला कोकण रेल्वे पोलिसांनी अटक केली आहे. विशेष बाब म्हणजे अवघ्या चार तासांत पोलिसांनी चोरट्याला बेड्या ठोकल्या आहेत. खबऱ्याने दिलेल्या गुप्त माहितीच्या आधारे पोलिसांनी ०४ सप्टेंबर रोजी ही कारवाई केली.

अशोक हरी घरत (५०, रा. पनवेल शहर, रायगड) असे अटक करण्यात आलेल्या संशयित आरोपीचे नाव आहे.

याप्रकरणी फिलोमिना रॉड्रिग्ज (५९, रा. वास्को, दक्षिण गोवा) यांनी मडगाव रेल्वे पोलिसांकडे तक्रार दाखल केली होती.

Arrest
GMC Goa: नातेवाईकांना मिळते अपमानास्पद वागणूक, कर्मचाऱ्यांच्या ढिसाळपणा; गोमेकॉत वाढल्या तक्रारी

पोलिसांनी दिलेल्या माहितीनुसार, मडगाव रेल्वे स्थानकावर फिलोमिना थांबल्या असता संशयित अशोक त्यांच्या गळ्यातून १.६० लाख किंमतीची सोन्याची चैन हिसकावून फरार झाला. ३१ ऑगस्ट सकाळी साडे दहाच्या सुमारास ही घटना घडली. फिलोमिना यांनी याप्रकरणी ०४ सप्टेंबर रोजी मडगाव येथील कोकण रेल्वे पोलिसांकडे याबाबत तक्रार नोंदवली.

पोलिसांनी तक्रारीच्या आधारे गुन्हा नोंद करुन तपास सुरु केला. रेल्वे स्थानकावर घडलेल्या या घटनेची सर्वात पहिल्यांदा सीसीटीव्ही फुटेज तपासण्यात आले. तक्रारदार महिलेच्या मदतीने सीसीटीव्हीतील व्यक्तीची खातरजमा करण्यात आली. चोरट्याचे फोटो आणि वर्णन सर्व पोलिस स्थानक आणि गुप्तपणे कार्यरत असणाऱ्या खबऱ्यांना पाठविण्यात आले.

Arrest
Occupancy Certificate Goa: भोगवटा प्रमाणपत्र नसेल, तर पाणी-वीज जोडणी मिळणार नाही; गोवा खंडपीठाचे निर्देश

दरम्यान, मिळालेल्या माहितीच्या वर्णनाचा व्यक्ती मडगावमधील ज्वेलरी शॉपच्या अवतीभोवती फिरत असल्याची माहिती खबऱ्याने कोकण रेल्वे पोलिसांना दिली. पोलिसांनी तत्काळ माहिती मिळालेल्या ठिकाणी धाव घेत चोरट्याला अटक केली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com