मागील काही महिन्यांत गोव्यात आगीचे सत्र सुरु होते. म्हादई जंगलातील आग तर बरेच दिवस धुमसत होती. अग्निशमन दलाचे प्रयत्न काहीसे तोकडे पडू लागल्यानंतर हेलिकॉप्टरद्वारे आगीवर नियंत्रण मिळवण्यासाठी प्रयत्न केले गेले होते.
दरम्यान, गोव्यात वेगवेगळ्या ठिकाणी लागलेल्या आगींमुळे वृक्षसंपदेसह बऱ्याच मोठ्या प्रमाणावर आर्थिक नुकसान झाले होते.
अशीच एक घटना समोर येतेय. जुनसावाडा-मांद्रे टेकडीवर संध्याकाळच्या सुमारास भीषण आग लागल्याची माहिती प्राप्त होतेय. मात्र अग्निशमन दल अद्याप तरी घटनास्थळी पोहोचले नाही. आगीचे नेमके कारण अद्याप स्पष्ट झालेले नाही.
गोव्यात मागील महिन्यात सत्तरीपासून ते काणकोणपर्यंतच्या जंगलात आगींच्या घटना घडल्या. या वणव्यांमध्ये मोठ्या प्रमाणात जंगलातील वनसंपदा खाक झाली.
राज्य सरकारने व्यापक प्रयत्न करून या आगीच्या घटना आटोक्यात आणल्या. भारतीय वायुसेना देखील यावेळी सरकारच्या मदतीला धावून आली, राज्यातील आगीची नोंद केंद्र सरकारने देखील घेतली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
