Goa Corona Update: गोव्यात सक्रीय कोरोना रूग्णांची संख्या 539 वर; नवीन 'इतक्या' रूग्णांची भर

Goa Corona Update: गोव्यात गेल्या आठवड्यात दररोज सरासरी शंभरहून अधिक नवीन कोरोनारूग्ण आढळून येत होते. गेल्या काही दिवसात हा आकडा शंभरच्या खाली आला आहे. शनिवारी राज्यात गेल्या चोवीस तासात कोरोनाचे नवीन 64 रूग्ण आढळून आले आहेत. तर राज्यातील सक्रीय म्हणजे रूग्णालयात उपचार घेत असलेल्या कोरोनारूग्णांची संख्या 539 वर गेली आहे.

गेल्या 24 तासात राज्यात एकूण 704 नवीन चाचण्या झाल्या. एकूण नवीन 64 रूग्ण आढळून आले. यातील एका रूग्णाला रूग्णालयात दाखल केले आहे. तर उर्वरीत 63 जणांना होम आयसोलेशनमध्ये ठेवण्यात आले आहे. दरम्यान, गेल्या 24 तासात रूग्णालयातून 4 कोरोना रूग्णांना डिस्चार्ज देण्यात आला. गेल्या 24 तासात राज्यातील एकूण 31 जण कोरोनामुक्त झाले आहेत.

राज्यात आत्तापर्यंत 4014 मृत्यू झाले आहेत. राज्याचा कोरोनामुक्ती दर 98.26 टक्के इतका आहे. राज्यात आत्तापर्यंत 21 लाख 77 हजार 854 चाचण्या झाल्या असून त्यातून 2 लाख 62 हजार 034 कोरोनारूग्ण आढळून आले होते. त्यापैकी 2 लाख 57 हजार 481 रूग्ण कोरोनामुक्त झाले आहेत.