देशाची राजधानी दिल्लीसह अनेक ठीकाणी मुसळधार पावसाने हजेरी लावल्याने जनजीवन विस्कळीत झाले आहे. दिल्ली, उत्तर प्रदेश, महाराष्ट्रामध्ये पावसाची संततधार सुरू आहे. यामूळे देशातील अनेक भाग जलमय झाले आहेत. यातच आता गोवा राज्यातही येत्या चार दिवसात गडगडाटासह पावसाची शक्यता वेधशाळेने वर्तवली आहे.
(IMD Goa predict light rain upcoming for days )
वेधशाळेने वर्तवलेल्या अंदाजानुसार राज्यात 10, ते 14 ऑक्टोबरदरम्यान राज्यातील बहुतेक भागात पावसाची शक्यता वर्तवण्यात आली आहे. त्यामूळे राज्यातील अनेक ठीकाणी सुरु असलेल्या खरीप हंगामातील पिक काढणीत अडथळे निर्माण होण्याची शक्यता आहे.
आज सकाळी पणजी शहरासह राज्यातील अनेक भागात पावसाच्या हलक्या सरी कोसळल्या. यामूळे सकाळी कामासाठी बाहेर पडल्या नागरिकांनी आडोशाला थांबल्याचे चित्र होते. यामूळे काहीवेळ शहरातील रस्त्यांवरही वाहनांची वर्दळ थंडावली होती.
पावसामुळे देशात अनेक ठीकाणी जनजीवन विस्कळीत
गेल्या काही दिवसांपासून दिल्लीत सुरू असलेल्या पावसामुळे जनजीवन विस्कळीत झाले आहे. तसेच काही ठीकाणी जोराच्या पावसामुळे पाणी साचल्याने वाहतूक कोंडीचा सामानाही नागरिकांना करावा लागत आहे. तर उत्तर प्रदेशात पावसामुळे स्थिती बिकट आहे. आणि अनेक ठिकाणी पूरसदृश परिस्थिती निर्माण झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
