Illegal Shacks: खोला किनारी भागात चालतात बेकायदा शॅक्स

Illegal Shacks: खोला पंचायत क्षेत्रात पर्यटन नियमांचे उल्लंघन करून पर्यटन हंगाम सुरु होण्यापूर्वीच येथील किनारपट्टीवर पर्यटक अजूनही शॅक सुरु आहेत. संबंधित यंत्रणेने कारवाई करण्याची मागणी या भागातून व्यक्त होत आहे. या ठिकाणी विनापरवाना रिसॉर्ट चालवत असल्याची अनेक प्रकरणे खोला पंचायत क्षेत्रात उघडकीस आली आहेत.

सध्या उपलब्ध माहितीनुसार येथील किनाऱ्यावर सुरु असलेल्या ९ रिसॉर्ट पैकी ६ बीच रिसॉर्ट आजूनही विनापरवाना सुरू असल्याची खात्रीलायक माहिती उपलब्ध झाली आहे. पंचायत व पर्यटन खात्याकडून आवश्यक असलेले परवाने नसताना या ठिकाणी मोठ्या प्रमाणात गैर व्यवहार चालू आहेत. या पंचायत मधील या गैर व्यवहारात खुद्द काही पंचायत सदस्य गुंतले असल्याच्या तक्रारी वाढत आहेत.

गैरव्यवहार रोखण्याची मागणी

९ पंचसदस्य असलेल्या या खोला पंचायतीचे सरपंच अजय पागी यांनी आपल्या पदाचा राजीनामा दिलेला आहे. अजूनही नव्या सरपंचाची निवड झालेली नाही. या ठिकाणी होत असलेल्या गैर व्यवहारात नेमके कोण आणि किती व्यक्ती गुंतल्या आहेत, याचा उलगडा झालेला नाही. सीआरझेड नियमांचे उल्लंघन करणा-यावर कारवाई ची मागणी माजी पंच सदस्य श्रीनिवास नायक व स्थानिकांनी केली आहे.