फोंडा: मरड धारबांदोडा येथे बेकायदा खैरीची लाकडे टेम्पोत भरताना तिघांना ताब्यात घेण्यात आले. वन अधिकारी रवी शिरोडकर यांच्या मार्गदर्शनखाली धारबांदोडाचे वन अधिकारी गोपाळ जल्मी यांनी ही कारवाई केली. कापलेल्या या खैरीच्या लाकडांची बाजारात किंमत दोन लाखांच्या वर असल्याचे जल्मी यांनी सांगितले.
मरड येथील एका चिरे खाणीत कत्तल केलेली खैरी लाकडे टेंपोत भरीत असलेली माहिती मिळाल्यानंतर वन अधिकाऱ्यांनी घटनास्थळी जाऊन टेम्पोसहीत तिघांना ताब्यात घेतले.
सूर्यकांत उघाडेकर (दोडामार्ग), विनायक कुट्टीकर (पणसुले धारबांदोडा) व टेंपो मालक नारायण खरवत (दोडामार्ग) अशी संशयितांचे नावे आहेत. खैरीच्या या लाकडांची तस्करी महाराष्ट्रात केली जाणार होती, याबाबत चौकशी सुरू असल्याचे वन अधिकारी रवी शिरोडकर यांनी सांगितले.
यापूर्वीही खैरीच्या लाकडांच्या तस्करीप्रकरणी या संशयितांपैकी काहींना वन अधिकारी नारायण प्रभुदेसाई यांनी ताब्यात घेतेले होते. आणखीन काही जणांना अटक होण्याची शक्यता वर्तवली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
