Mpausa News: खोर्लीत घरातील भाडेकरु खोलीला आग; शॉर्ट सर्किटमुळे आग लागल्याची शक्यता

House Catches Fire At Mapusa: खोर्ली येथील घाटेश्वरनगरातील एका घराला आग लागल्याची घटना गुरुवारी सकाळी 11 वाजण्याच्या सुमारास घडली. या आगीत 3 लाख रुपयांचे नुकसान झाल्याची माहिती समोर येत आहे.

अग्निशामक दलाच्या जवानांनी आगीवर नियंत्रण मिळविले. शॉर्ट सर्किटमुळे ही आग लागल्याची शक्यता वर्तविण्यात येत आहे.

अग्निशामक दलाच्या जवानांनी दिलेल्या माहितीनुसार, खोर्ली येथील घाटेश्वरनगरातील एका घरातील भाडेकरू राहत असलेल्या खोलीला आग लागल्याची घटना आज घडली. भाडेकरू सकाळी खोली बंद करुन कामावर गेले होते.

आग लागल्याचे शेजाऱ्यांचे लक्षात येताच याबाबतची माहिती म्हापसा अग्निशमक दलाच्या जवानांना देण्यात आली. तोपर्यंत शेजाऱ्यांनी दरवाजाचे कुलूप तोडून आग विझवण्याचा प्रयत्न केला.

रहिवाशांच्या मदतीने अग्निशमक दलाच्या जवानांनी आगीवर नियंत्रण मिळवीले. आगीत सुमारे 3 लाखांचे नुकसान झाल्याचे प्राथमिक माहिती मिळत आहे.

पाटील कुटुंबीयांनी खोलीमध्ये दिवा पेटत ठेवला होता. त्यामुळे किंवा शॉर्टसर्किटमुळे ही आग लागल्याची शक्यता अग्निशमक दलाने व्यक्त केली असून अग्निशमक दलाचे हवालदार प्रकाश कान्नाईक, साईराज नाईक, लविंदर साळगावकर, प्रवीण गावकर, सखाराम गावकर व साईल गावस या जवानांनी आग विझवली.