Goa Assembly MLA Disqualification Petition: गोव्यातील विधानसभा निवडणुकीनंतर काँग्रेसमधील आठ आमदारांनी भाजपमध्ये प्रवेश केला होता. त्याविरोधात त्या आमदारांना अपात्र ठरवावे, अशी मागणी करणाऱ्या याचिका दाखल झाल्या होत्या.
त्यापैकी एक याचिका काँग्रेस प्रदेशाध्यक्ष अमित पाटकर यांनीही दाखल केली होती. त्या याचिकेवर आता २६ जून रोजी सुनावणी होणार आहे.
26 जून रोजी सायंकाळी साडे पाच वाजता या याचिकेवर सुनावणी होईल. त्यासाठी उपस्थित राहण्यासाबाबतची नोटीस आमदार मायकल लोबो, आमदार दिगंबर कामत तसेच अमित पाटकर यांना विधानसभा सचिवालयाने पाठवली आहे.
पाटकर यांनी दाखल केलेली याचिका विधानसभा अध्यक्ष रमेश तवडकर यांनी मान्य केली होती. तेव्हा कामत आणि लोबो (Michael Lobo and Digambar Kamat) यांनी ही याचिका फेटाळण्याची मागणी केली होती.
पाटकर (Amit Patkar) हे सभागृहाचे सदस्य किंवा आमदार नसल्यामुळे ते अपात्रता याचिका दाखल करू शकत नाहीत. असा दावा लोबो, कामत यांनी केला होता.
दरम्यान, पाटकर यांनी सभापती विरुद्ध उत्कल केशरी परिदा या सर्वोच्च न्यायालयाच्या निर्णयाचा दाखला देत, कोणतीही इच्छुक व्यक्ती अपात्रता याचिका दाखल करू शकते असा युक्तिवाद केला.
त्यावर राज्यघटनेच्या दहाव्या अनुसूचीनुसार कोणालाही अपात्रता याचिका दाखल करण्याचा अधिकार आहे, असे सभापतींनी म्हटले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
