राष्ट्रीय क्रीडा स्पर्धेवरून गोव्यावर टीका करणारी राज्येच आता आमचे कौतुक करताहेत; क्रीडा मंत्री गावडेंची माहिती

National Games Goa 2023: राष्ट्रीय क्रीडा स्पर्धा आता संपल्या असल्या तरी त्याच्यावरून होणारे राजकारण अद्याप संपण्याचे नाव घेत नाही. स्पर्धेच्या आयोजनावरून सरकार आणि मंत्री गोविंद गावडे यांना निशाणा बनवण्यात येत आहे. विरोधी पक्षाकडून स्पर्धेच्या आयोजनात घोटाळा झाला असल्याचे अनेक आरोप करण्यात येत आहेत.

याबाबत गावडेंनी आपले रोख मत व्यक्त केले आहे.

गोवा राष्ट्रीय क्रीडा स्पर्धा आयोजित करू शकत नाही, अशी अफवा काही राज्ये पसरवत होती. मात्र कठोर परिश्रम आणि समर्पणानंतर गोव्याने राष्ट्रीय खेळांचे आयोजन केले. आता तीच राज्ये ऑलिम्पिक किंवा आशियाई खेळांसारखे क्रीडा स्पर्धेचे यशस्वी आयोजन केल्याबद्दल गोव्याचे कौतुक करत आहेत, अशी माहिती गोविंद गावडे यांनी दिली.

गावडे पुढे म्हणाले की, क्रीडा स्पर्धेच्या आयोजनात मुख्यमंत्र्यांचा मला पूर्ण पाठिंबा होता. पण काही जणांकडून मुख्यमंत्र्यांच्या मनात गैरसमज पसरविण्यात आले, जेणेकरुन मला त्यांचा पाठिंबा न मिळो. मात्र माझ्यावर मुख्यमंत्र्यांनी पूर्ण विश्वास ठेवला.