Gomantak Karandak : आज ‘गोमन्तक-करंडक’ एकांकिका स्पर्धेचे आयोजन

Gomantak Karandak : गोमन्तक यंग इन्स्पिरेटर्स नेटवर्कच्या वतीने उद्या मंगळवारी (ता. ११) गोमंतक करंडक एकांकिका स्पर्धा आयोजित करण्यात आली आहे.

फोंडा येथील राजीव गांधी कला मंदिर येथे सकाळी १० ते सायंकाळी ६ या वेळेत ही स्पर्धा होणार आहे.

तरुणांमध्ये एकांकिका तसेच मराठी भाषा रुजावी, त्यांना नाटकाची, कलेची गोडी लागावी, या उद्देशाने एकांकिका स्पर्धेचे आयोजन करण्यात आले आहे.

कला अकादमी नाट्य महाविद्यालय-पणजी, गणपत पार्सेकर महाविद्यालय-हरमल, फोंडा एज्युकेशन सोसायटी शैक्षणिक महाविद्यालय-फर्मागुडी, ज्ञानप्रसारक मंडळ महाविद्यालय आणि संशोधन केंद्र-म्हापसा, संत सोयरोबानाथ आंबिये कला आणि वाणिज्य महाविद्यालय-पेडणे आदी महाविद्यालय यात सहभागी होतील.

हा संपूर्ण कार्यक्रम विनामूल्य आहे. नाट्यप्रेमींनी मोठ्या संख्येने उपस्थित राहावे, असे आवाहन करण्यात आले आहे.

‘या’ मान्यवरांची राहणार उपस्थिती

स्पर्धेचे उद्‍घाटन कला व संस्कृती विभागाचे संचालक सगुण वेळीप यांच्या हस्ते होऊन वीजमंत्री सुदिन ढवळीकर यांची प्रमुख उपस्थिती राहिल.

सायंकाळी ५.३० वाजता बक्षीस समारंभ पार पडेल. यावेळी कला आणि संस्कृती मंत्री गोविंद गावडे, ‘गोमन्तक’चे संपादक-संचालक राजू नायक यांच्या हस्ते विजेत्यांना बक्षीस वितरण होईल.