Goa Rain: ..परत पावसाचे टेन्शन! वेधशाळेने दिला 'यलो अलर्ट'; गोव्यात कोसळणार जोरदार सरी

मुख्य मुद्दे:

१. येत्‍या गुरुवारपासून गोव्यात पुढील चार दिवस जोरदार पावसाची शक्यता; हवामान विभागाने ‘यलो अलर्ट’ जारी केला.
२. मागील २४ तासांत केवळ १.८ मि.मी. पावसाची नोंद; कडकडीत उन्हामुळे नागरिक प्रभावित.
३. नवरात्र उत्सव आणि पर्यटकांसाठी येणाऱ्या पावसामुळे वातावरणात गोंधळ आणि संभाव्य अडचणी.

गेल्या काही दिवसांपासून गोवा राज्यात पावसाने विश्रांती घेतली होती. मात्र येत्‍या गुरुवारपासून (ता. २५) पुढील चार दिवस पावसाच्या जोरदार सरी कोसळतील, असा अंदाज गोवा वेधशाळेने वर्तविला आहे. या पार्श्वभूमीवर हवामान विभागाने राज्यभर ‘यलो अलर्ट’ जारी केला असून नागरिकांनी आवश्यक खबरदारी घेण्याची सूचना केली आहे.

मागील २४ तासांत राज्यात केवळ १.८ मि.मी. पावसाची नोंद झाली असून, त्यामुळे लोकांना कडकडीत उन्हाचा सामना करावा लागला आहे. अचानक पडलेल्या उन्हाने नागरिक हैराण झाले आहेत. पण पुन्हा पावसाचा इशारा दिल्याने गोंधळाचे वातावरण आहे.

शेजारच्या महाराष्ट्र, कर्नाटक राज्यातही पाऊस पडण्याची शक्यता आहे. अलीकडेच गणेश उत्सवापर्यंत पावसाने दमदार हजेरी लावली होती. त्यानंतर बऱ्यापैकी उघडीप होती. सततच्या वातावरण बदलामुळे राज्यात रुग्णांची संख्या वाढली आहे.

सध्या नवरात्र उत्सव सुरु आहे. नुकताच पाऊस कमी असल्याने राज्यात वातावरण उत्साही होते. पर्यटक येण्यास सुरुवात झाली होती. पण आता वेधशाळेने नुकताच वर्तवलेल्या अंदाजानुसार मुसळधार पावसाची शक्यता आहे. याचा फटका पर्यटकांना, व्यावसायिकांना बसणार आहे.

FAQs

प्रश्न १: गोव्यात येणाऱ्या पावसाची तीव्रता किती असेल?
उत्तर: गोवा वेधशाळेच्या अंदाजानुसार येत्‍या चार दिवसांत मुसळधार पावसाची शक्यता आहे. नागरिकांनी खबरदारी घेणे आवश्यक आहे.

प्रश्न २: यलो अलर्ट म्हणजे काय?
उत्तर: यलो अलर्ट म्हणजे पावसामुळे काहीसा धोका असू शकतो, परंतु अत्यंत गंभीर परिस्थिती नाही. नागरिकांनी सावधगिरी बाळगावी.

प्रश्न ३: पर्यटकांना पावसामुळे काय काळजी घ्यावी लागेल?
उत्तर: पर्यटकांनी घराबाहेर जाणे टाळावे, पावसाळी तयारी ठेवावी, आणि पावसापासून संरक्षणासाठी योग्य कपडे वापरावे.

प्रश्न ४: शेजारच्या राज्यांवर पावसाचा प्रभाव होणार आहे का?
उत्तर: हो, महाराष्ट्र आणि कर्नाटकमध्येही पाऊस पडण्याची शक्यता आहे, त्यामुळे प्रवाशांनी वाहतूक आणि योजना याबाबत खबरदारी घ्यावी.