Goa Traffic Police राज्यात गत 20 दिवसांत 7 दुचाकीस्वारांचा अपघाती मृत्यू झाला आहे. वाढत्या अपघातांच्या पार्श्‍वभूमीवर गोवा पोलिसांनी महत्त्वपूर्ण नियम लागू करण्याचा निर्णय घेतला आहे.
यापुढे दुचाकीचालकासह त्याच्या पाठीमागे बसलेल्या व्यक्तीनेही हेल्मेट वापरणे सक्तीचे करण्यात येत असल्याचे वाहतूक पोलिस अधीक्षक बोसुएट दा सिल्वा यांनी सांगितले.
राज्यातील बहुतांश दुचाकीचालक हेल्मेटचा वापर करतात. मात्र, पाठीमागे बसलेली व्यक्ती ते वापरत नाही. याकडे पोलिसांनीही आतापर्यंत कानाडोळा केला होता.
पण अपघात वाढत असल्याने आता दुचाकी चालकासह पाठीमागे बसणाऱ्या व्यक्तीलाही हेल्मेट बंधनकारक करण्याचा निर्णय पोलिसांनी घेतला आहे. दुचाकीस्वार आणि त्याच्या पाठीमागे बसलेल्या व्यक्तीनं हेल्मेट परिधान केलेलं नसेल तर कारवाई केली जाईल.
काय काय सांगतो?
मोटार सायकल चालवणारी आणि त्याच्या पाठीमागे बसणाऱ्या व्यक्तीनेही हेल्मेट परिधान करणे हे वाहन कायदा 1988 कलम 126 सह 194 (ड) अन्वये बंधनकारक आहे.
विनाहेल्मेट मोटारसायकल चालविल्यास नवीन वाहन कायद्यानुसार 1 हजार रुरुपये दंडाची तरतूद आहे. तसेच तीन महिन्यांसाठी वाहन परवाना निलंबीत केला जाऊ शकतो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.