Calangute Traffic Issue: कळंगुट किनारपट्टी भागातील वाहतूक कोंडी सुटणार, पंचायतीने घेतला 'हा' निर्णय

Calangute Traffic Issue: कळंगुट किनारपट्टी भागातील वाहतूक सुरळीत करण्यासाठी कळंगुट ग्रामपंचायतीने वाहतूक पोलिस व सदस्यांसह बोडको-वाडो शेजारी आज भेट देऊन संबंधित विषयाची पाहणी केली.

या पाहणीसाठी कळंगुटचे सरपंच जोसेफ सिक्वेरा, उपसरपंच गीता परब, कळंगुट वाहतूक शाखेचे पोलीस अधिकारी उपस्थित होते.

या वेळी पत्रकारांशी बोलताना कळंगुटचे सरपंच जोसेफ सिक्वेरा म्हणाले की, कळंगुट रस्त्याच्या काही विशिष्ट भागावर मोठ्या प्रमाणात वाहतूक कोंडी होत असते.

नित्य होणारी वाहतूक कोंडीमुळे तो भाग अपघात प्रवण क्षेत्र देखील बनला आहे. त्यामुळेच या समस्येवर तोडगा काढण्याचा निर्णय पंचायतीने घेतला आहे.

पंचायत वाहतूक कोंडीची समस्या आणि बेकायदा पार्किंग यावर देखील निर्णय घेणार असल्याचे सरपंच जोसेफ सिक्वेरा म्हणाले.

तसेच या भागातील ठराविक ठिकाणी पंचायत हायमास्ट दिवे लावण्याचे नियोजन करत असून हे काम आणखी 8 किंवा 10 दिवसात सुरू होईल असे सिक्वेरा यांनी सांगितले.