Morjim : प्रत्येक मंदिरातून भारतीय संस्कृतीचे जतन होते. ही मंदिरे टिकविण्यासाठी आणि देखभाल करण्यासाठी प्रत्येकाने कार्यरत राहावे. त्यासाठी सरकार, स्थानिक आमदार, पंचायत मंडळाचेही वेळोवेळी सहकार्य मिळत आहे, असे प्रतिपादन गोवा पर्यटन विकास महामंडळाचे चेअरमन डॉ. गणेश गावकर यांनी केले. सावंतवाडा-मांद्रे येथील श्री भूमिका मंदिर परिसर सुशोभीकरण कामाचे लोकार्पण केल्‍यानंतर गावकर बोलत होते.
यावेळी मांद्रेचे आमदार जीत आरोलकर, मांद्रे सरपंच ॲड. अमित सावंत, उपसरपंच तारा हडफडकर, पंचसदस्य रॉबर्ट फर्नांडिस, देवस्थानचे माजी अध्यक्ष शंबा सावंत, जयराम सावंत, गंगाराम सावंत, सखाराम सावंत, प्रदीप सावंत, बाबला सावंत, दत्ताराम सावंत, उल्हास सावंत, संतोष सावंत, सूर्या सावंत, मोहन तोरस्कर यांची उपस्थिती होती.
गोवा पर्यटन विकास महामंडळातर्फे पावणे दोन कोटी रुपये खर्चून या मंदिर परिसराचे सुशोभीकरण तत्कालीन आमदार दयानंद सोपटे यांच्या नेतृत्वाखाली झाले होते. आज त्याचे लोकार्पण करण्‍यात आले. गावकर म्‍हणाले की, यापुढेही अशा प्रकल्पांना सरकारकडून सहकार्य मिळेल. सरपंच ॲड. अमित सावंत यांनीही विचार मांडले. सखाराम सावंत यांनी सूत्रसंचालन केले तर विवेक सावंत यांनी पाहुण्यांचे स्वागत करून शेवटी त्‍यांनीच आभार मानले.
सर्वांच्‍या सहकार्यामुळे सुशोभीकरणाचे हे काम मार्गी लागले. चोपडे जंक्शन ते खिंडपर्यंतच्‍या रस्त्याचे सुशोभीकरण आणि सायकलिंग ट्रॅक तयार केलेला आहे. त्याचे काम आणि दुरुस्ती केली जाईल. शिवाय पालये येथे सुशोभीकरण केलेल्या परिसरात मोठ्या प्रमाणात अतिक्रमण करण्‍यात आलेले आहे. संबंधितांशी चर्चा करून तेही काम हाती घेण्यात येईल.
- जीत आरोलकर, आमदार
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.