गिरीत बंदिस्त खोलीत आढळला मृतदेह , संशयास्पद मृत्यूचा कुटुंबियांचा अंदाज; गोव्यातील ठळक बातम्या

सुभाष वेलींगकरांच्या मागावर पोलिस पथके. बेपत्ता सुभाष वेलिंगकरांचा पणजी सत्र न्यायालयात अटकपूर्व जामीनासाठी अर्ज.

काकोडा कुडचडे येथील ज्येष्ठ नागरिक अनिल माड कामत 76 वर्षीय यांनी घराच्या मागे विहिरीत उडी मारून आत्महत्या, कुटुंबीयांनी दिलेल्या माहितीनुसार मागच्या काही दिवसापासून त्यांची तब्येत बिघडली होती. त्यांच्याच घराच्या मागच्या विहिरीच्या बाजूला त्यांची चप्पल टॉवेल

त्यांच्या कुटुंबियांना आढळल्याने त्यांना याबद्दल संशय आल्याने त्यानी याबद्दल कुडचडे पोलिसांना कळविले, कुटुंबीयाच्या म्हणण्यानुसार मागच्या काही दिवसापासून तब्येत ठीक नव्हती.

सुभाष वेलिंगकरांना 100 टक्के अटक करण्यात येईल. सध्या ते कुठे लपलेत याची माहिती मिळताच पोलिस त्यांना अटक करतील. मुख्यमंत्री स्वत: या सर्वावर त्यावर लक्ष ठेऊन आहेत. मी ही मुख्यमंत्र्यांच्या संपर्कात आहे. लोकांना मी आवाहन करतो की सर्वांनी शांतता पाळावी.

संत फ्रान्सिस झेवियर यांचा DNA गोव्यातील सर्व धर्मियांमध्ये आहे. याचा पुराव म्हणजे ओल्ड गोव्यात त्यांच्या दर्शनासाठी येणारी लोकांची संख्या. जर लोकांचा त्यांच्यावर विश्वास नसता तर एवढे लोक त्यांच्या दर्शनासाठी आलेच नसते. मंत्री आलेक्स सिक्वेरांचे विधान.

राज्यात पुढील दोन दिवस विजेच्या गडगडाटासह पावसाची शक्यता. हवामान खात्याकडून 'येलो अलर्ट' जारी.

गिरी येथे घराच्या खोलीत श्रीकांत गडेकर यांचा मृतदेह लटकलेल्या अवस्थेत आढळला. संशयासप्द मृत्यू असल्याचे कुटुंबियांचा अंदाज. पोलिस तपास सुरू.

मुख्यमंत्री डॉ. प्रमोद सावंत यांनी मला सांगितले आहे की सुभाष वेलिंगकर यांना कुठल्याही क्षणी अटक करण्यात येईल : आमदार डिलायला लोबो

सुभाष वेलिंगकरांच्या अटकेच्या मागणीसाठी मोठ्या प्रमाणावर निघालेल्या मोर्चाचा वाहतुकीला फटका बसला आहे. मडगावात अनेकांची गैरसोय झाली असून, काहींना मार्ग बदलावा लागला तर बस किंवा पर्यायी व्यवस्था न मिळाल्याने शालेय विद्यार्थ्यांना आणि स्थानिकांना पायपीट करावी लागली.

आंदोलकांकडून कोलवा सर्कल ब्लॉक. मडगाव, फोंडा, कोलवा, पणजी मार्गाने येणारी वाहतूक वळवली.

सेंट फ्रान्सिस झेवियर यांच्यावर आक्षेपार्ह विधान करून धार्मिक भावना दुखावल्याचा गुन्हा नोंद केल्यानंतर, डिचोली पोलिसांनी सुभाष वेलिंगकर यांना बीएनएसएस कलम ३५ (३) अंतर्गत चौकशीसाठी हजर राहण्याची नोटीस बजावली आहे.

सुभाष वेलिंगकरांनी संत फ्रान्सिस झेवियर यांच्या डिएनए चाचणीची मागणी केल्यानंतर ख्रिस्ती समाज त्यांच्या अटकेच्या मागणीवरुन आक्रमक झाला आहे. तर, आता हिंदुवादी संघटनांनी सुभाष वेलिंगकरांना समर्थन देत मोर्चा काढला आहे.

राज्यात विविध ठिकाणी वेलिंगकरांच्या अटकेची मागणी करणारे तसेच समर्थन करणारे मोर्चे निघत आहेत. यामुळे राज्यभरात तणावपूर्ण वातावरण पाहायला मिळत आहे.