Goa News: महाराष्ट्रात मिळालेलं यश अभूतपूर्व सुलक्षणा सावंत यांची प्रतिक्रिया; जाणून घ्या गोव्यातील इतर घडामोडी

सर्वांच्या सहकार्याने हे यश मिळवणं शक्य झालं, महाराष्ट्रातील निकाल हा प्रत्येक कार्यकर्त्याचे कष्ट आहेत तसेच माननीय पंतप्रधान नरेंद्र मोदी यांच्या नेतृत्वामुळे हे शक्य झाले आहे. महाराष्ट्रातील निकालावर सुलक्षणा सावंत यांची प्रतिक्रिया.

मुख्यमंत्री प्रमोद सावंत यांच्या हस्ते साखळी युवा उत्सवाचे उद्घाटन पार पडले.

एक लाख १० हजार किंमतीचा १.१ किलो गांजा बाळगल्याप्रकरणी महाराष्ट्रातील याज्ञेश वावरे (२६, रा. महाराष्ट्र) याला मोरजी पोलिसांनी अटक केली आहे. याप्रकरणी पोलिस अधिक तपास करत आहेत.

घरफोडी करणाऱ्या आंतरराज्य टोळीचा म्हापसा पोलिसांनी पर्दाफाश केला आहे. पोलिसांनी राजस्थान येथून तिघांना अटक केली आहे. जुहारा राम (२३) , नारायणलाल चौधरी (३५) आणि काळुराम (१९) असे अटक करण्यात आलेल्या तिघांची नावे आहेत. तिघांकडून यावेळी दोन लाखांचा मुद्देमाल जप्त करण्यात आला आहे.

पर्वरीत (GA-02-J-4531) बर्निंग कारचा थरार पाहायला मिळाला. सकाळी साडे अकराच्या सुमारास ही घटना घडली. यात कार जळून खाक झाली आहे. अग्निशमन दलाच्या जवानांनी घटनास्थळी दाखल होत आगीवर नियंत्रण मिळवले.

मालपे पेडणे येथे आढळला अज्ञात व्यक्तीचा मृतदेह आढळून आला आहे. पोलिस घटनास्थळी दाखल झाले असून, अधिक तपास केला जात आहे.

कळंगुटमध्ये रस्त्यावर नग्न होऊन वाहनांची अडवणूक करुन राडा करणाऱ्या उत्तर प्रदेशच्या पर्यटकाला अटक करण्यात आली आहे. गिरजेश बघेल (३१, उत्तर प्रदेश) असे या पर्यटकाचे नाव असून, कळंगुट पोलिसांनी त्याला अटक केलीय.

म्हाऊस पंचायतीच्या कचरा वाहनांचा आमदार डॉ देविया राणे यांच्या हस्ते उद्घाटन. कचरा गोळा करण्याच्या कामाला मिळणार गती. पंचायत मंडळाची उपस्थिती.

गेल्या दोन दिवसांपासून बेपत्ता असणारा राजवीर राजेश मांद्रेकर काणका - पर्रा येथे आढळून आला आहे. याप्रकरणी हणजूण पोलिस अधिक तपास करत आहेत.

शापोरा – हणजूण येथून राजवीर राजेश मांद्रेकर दोन दिवसांपासून बेपत्ता आहे. याप्रकरणी हणजूण पोलिसांत तक्रार दाखल करण्यात आली आहे. कोणाला सापडल्यास 9075188018 या क्रमांकावर संपर्क साधण्याचे आवाहन करण्यात आले आहे.

प्रदूषण मंडळाने शापोरातील दोन नाईट क्लब सील केले आहेत. ध्वनी मर्यादा मिटर न वापरल्याने ही कारवाई करण्यात आली आहे.