चोर्ला घाटात 36 लाखांचे अवैध मद्य जप्त करण्यात आले असून, दोघांना ताब्यात घेण्यात आले आहे. मडगावातून कर्नाटकात वाहतूक केली जात असताना, गुन्हे शाखेने ही कारवाई केली.
Theft In Liquor Shop
हडफडे येथे मद्याच्या दुकानात चोरी झाली असून, दीड लाख रुपये लंपास केल्याची घटना उघडकीस आली आली आहे. पोलिस अधिक तपास करीत आहेत.
1.14 लाखांचा गांजा बाळगल्याप्रकरणी पिसुर्ली-सत्तरी येथील प्रितेश गावडे याला अटक. प्रितेश गांजासह पाटो येथे आढळून आला.
Cheating At Casino In Goa
कॅसिनोत 13 लाखांची फसवणूक केल्याप्रकरणी मध्यप्रदेशच्या ब्रिजेश रायकवार विरोधात गुन्हा नोंद करण्यात आला आहे.
"आमचे नेते संजय सिंह यांची सर्वोच्च न्यायालयाने जामिनावर सुटका केली आहे. हुकूमशाही मोदी राजवटीने राजकीय हेतूंसाठी पीएमएलए कायद्याचे हत्यार बनवले आहे. सत्याचा नेहमीच विजय होतो आणि 'आप'ला संपवण्याचा भाजप-ईडीचा डाव फसला."
- आप आमदार कॅप्टन वेंझी व्हिएगस
कामुर्ली ग्रामपंचायतीच्या सरपंचपदी लक्ष्मण नाईक यांची बिनविरोध निवड. मंत्री निळकंठ हळर्णकर, संगीता पेडणेकर, पांडुरंग खोर्जुवेकर, धर्मा परब यांची उपस्थिती.
लोकसभा प्रचाराचा भाग म्हणून मुख्यमंत्री प्रमोद सावंत यांनी मडकईत पहिल्यांदाच महाराष्ट्रवादी गोमन्तक पक्षाच्या कार्यकर्त्यांना संबोधित केले.
KTM Theft From Vagator
वागातोर येथून चोरी झालेली रशियन नागरिकाची केटीएम ७९० दुचाकी हरमल येथील समुद्रकिनाऱ्यावर सापडली. पोलिसांनी कागदपत्रांची तपासणी करुन रशियन नागरिकाकडे सुपूर्द केली. पोलिस सध्या दुचाकी चोरट्याचा शोध घेत आहेत.
वास्कोचे माजी भाजप आमदार कार्लुस आल्मेदांची पुन्हा भाजपात घरवापसी. 2022ची विधानसभा निवडणूक लढवली होती काँग्रेसच्या तिकीटावर. आल्मेद यांचा आज (मंगळवारी) पणजीत समर्थक नगरसेवकांसमवेत भाजपमध्ये पक्षप्रवेश केला.
Khola Beach Canacona
तेलंगणा येथील पर्यटकांसोबत एक विचित्र घटना घडली. पर्यटक सेल्फी घेण्यात गुंग असताना त्यांची पार्क केलेली कार पलटी होऊन जवळच्या दरीत कोसळली आणि जळून खाक झाली. काणकोण येथील खोला समुद्रकिनाऱ्याजवळ ही घटना घडली.
Dinesh Vaghela Died
आपचे संस्थापक सदस्य दिनेश वाघेला उर्फ बाबाजी यांचे निधन. पक्षाच्या राष्ट्रीय कार्यकारिणीचे ते सदस्य होते. गोव्यात पक्ष उभारणीसाठी त्यांनी सक्रियपणे काम केले आहे.
आज दुपारी ३.३० वाजता सांतिनेज येथील स्मशानभूमीत त्यांच्यावर अंत्यसंस्कार केले जाणार आहेत. त्यांच्या पश्चात त्यांची पत्नी आणि दोन मुले असा परिवार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.