गणेशपुरी, म्हापसा येथे झालेल्या अहमद देवडी या तरुणाच्या कथित खूनप्रकरणात मागील २३ दिवसांपासून फरार असलेला संशयित रामकृष्ण भालेकर उर्फ आरके याला आंबोली, महाराष्ट्रातून अखेर गजाआड केले. संशयित फरार असल्याने म्हापसा पोलिस टीकेचे धनी बनलेले.
महामार्गाच्या बाजूने व उंच इमारतींच्या गच्चीवर उभारण्यात आलेल्या जाहिरातींच्या होर्डिंग्सप्रकरणी तसेच वीज खांबांवर लावलेल्या जाहिरात फलकप्रकरणी गंभीर दखल घेत मुंबई उच्च न्यायालयाच्या गोवा खंडपीठाने वाहतूक पोलीस अधीक्षकांना कारवाई संदर्भातची माहिती देण्याचे निर्देश दिले.
वीज खांबांवर जाहिरात फलक लावण्यास निविदा दिलेल्या कंत्राटदाराला व राजदीप बिल्डर्सला नोटीस जारी करून खंडपीठाने पुढील सुनावणी शुक्रवारी २८ जूनला ठेवली आहे.
शासनाने ही (पेट्रोल - डिझेल) दरवाढ मागे न घेतल्यास आम्ही आंदोलन करू. मुख्यमंत्री डॉ. प्रमोद सावंत यांना सुबुद्धी येईल आणि गोमंतकीयांना रस्त्यावर येण्यास ते भाग पाडणार नाहीत अशी आशा मी बाळगतो, असे युरी आलेमाव म्हणाले.
गोव्यात शनिवारपासून (22 जून) पेट्रोल एक रुपया आणि डिझेल 36 पैशांनी महागणार आहे.
खांडेपार येथील शिवलिंग मंदिरात फंड पेटी चोरी करण्याचा प्रयत्न केल्या प्रकरणात फोंडा पोलिसांनी गुरुवारी रात्री वृषभ गावडे (२०, बागवाडा - खांडेपार ) याला केली अटक.
एकतानगर हाउसिंग बोर्ड, म्हापसा येथील एका इमारतीमधील बंद फ्लॅट फोडला. कपाटमधील काही पैसे चोरी. म्हापसा पोलिसांकडून पंचनामा.
डिचोली शहरातील व्हाळशी तळ्यातील 'ती' मगर अखेर पिंजऱ्यात अडकली. गुरुवारी रात्री मगर फसली. लोकवस्तीजवळील तळ्यात आणखी मगरी असल्याचा स्थानिकांचा अंदाज.
धामेडे, थिवी येथील प्रेमानंद मालवणकर यांच्या गोठ्याला आग. म्हापसा अग्निशमन दलाकडून आगीवर नियंत्रण. सुदैवाने 12-15 म्हैशींना सुखरुप वाचवण्यात यश. सुमारे 1 लाख रुपयांचे नुकसान झाल्याचा अंदाज.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.