Goa News Update: काँग्रेस उमेदवारांचे अर्ज दाखल, मयेची यात्रा, पर्वरीत खून; गोव्यातील बातम्यांचा आढावा

मुख्यमंत्री प्रमोद सावंत सध्या बेळगाव येथे असून, त्यांच्या प्रमुख उपस्थितीत बेळगाव लोकसभा मतदारसंघाचे उमेदवार तथा कर्नाटकचे माजी मुख्यमंत्री जगदीश शेट्टर यांनी उमेदवारी अर्ज दाखल केला.

रेडीघाट रस्त्यावर मिनी टेम्पोचा अपघात झाला असून, यात चालक जखमी झाला आहे.

दिगंबर कामत घाबरट आहेत, त्यामुळे ते गोमन्तकीयांपासून पळ काढतायेत. सुदिन ढवळीकर गोव्याच्या राजकारणातील सरडा, त्यांचे मंत्रीपद सुरक्षित नसून लोकसभेनंतर त्यांची हकालपट्टी केली जाईल. मंत्रीपद वाचविण्यासाठी ढवळीकर भाजपने दिलेली स्क्रिप्ट बोलत आहेत, विजय सरदेसाई यांची कामत आणि ढवळीकरांवर जहरी टीका.

उत्तर गोव्यातून काँग्रेस उमेदवार रमाकांत खलप यांनी उमेदवारी अर्ज दाखल केला असून, यावेळी युरी आलेमाव, अमित पाटकर, अमित पालेकर आणि कार्लुस फेरेरा उपस्थित होते.

या लोकसभा निवडणुकीत धनशक्ती विरुद्ध जनशक्ती असा मुकाबला होईल, आणि यात निश्चितच जनशक्तीचा विजय होईल.

विरियातो यांचा अर्ज दाखल करण्यासाठी आज मोठ्या संख्येने इंडिया आघाडीचे नेते आणि काँग्रेस कार्यकर्त्यांनी हजेरी लावली होती.

दक्षिण गोव्यातून काँग्रेसच्या विरियातो फर्नांडिस यांनी उमेदवारी अर्ज दाखल केला. यावेळी त्यांच्यासोबत विरोधी पक्षनेते युरी आलेमाव, प्रदेशाध्यक्ष अमित पाटकर, आमदार विजय सरदेसाई, वेंझी व्हिएगस उपस्थित होते.

Sattari

पेळावदा रावण सत्तरी येथे भूमिगत वीज वाहिनी खोदाई चरात दोन म्हशी पडल्या. गावकऱ्यांच्या प्रयत्नाने म्हशींना सुखरूप बाहेर काढण्यात यश. वीज अधिकाऱ्यांच्या निष्काळजीपणा उघड

Mayem Yatra

मयेवासियांसह हजारो भाविकांची प्रतीक्षा अखेर संपली. मयेतील 'माल्या'ची जत्रा उत्साहात. जत्रेचे वैशिष्ट्य असलेले 'माले' पेटले, अन् देवीचा 'पण'ही पूर्ण.

Goa Murder Case

लव्ह ट्रँगलमधून रेहबर खान (21, अमरोहा, युपी) याचा खून झाल्याची त्याच्या चुलत भावाची माहिती. सलूनमध्ये काम करणाऱ्या रेहबरचा पिळर्ण-पर्वरी ऑडिट भवनजवळ आढळला होता मृतदेह. प्रेमप्रकरणातून रेहबरला मारहाण झाली असून, संशयिताला अटक.