अल्पवयीन मुलीवर लैंगिक अत्याचार, सुरक्षा रक्षकाला 14 दिवसांची न्यायालयीन कोठडी; गोव्यातील ठळक बातम्या

गोव्याचे मुख्यमंत्री तयार असतील, तेव्हा पंतप्रधान मोदींना भेटण्यासाठी कर्नाटक मुख्यमंत्र्यांना देखील तयार करू. तीन नेते भेटून म्हादईचा प्रश्न सोडवू शकतात. आज गोवा प्रदेश काँग्रेस कमिटीच्या सदस्यांची बैठक घेणार. डॉ. अंजली निंबाळकर यांची माहिती.

अल्पवयीन मुलीवर लैंगिक अत्याचार केल्याप्रकरणी संशयित सुरक्षा रक्षकाला १४ दिवसांची न्यायालयीन कोठडी सुनावण्यात आली आहे. पिळर्ण येथे सुरक्षा रक्षकाने ११ वर्षीय मुलीवर लैंगिक अत्याचार केल्याची घटना उघडकीस आली होती.

गोव्यात आज मध्यम स्वरुपाच्या पावसाची शक्यता असून, हवामान खात्याने यलो अलर्ट जारी केला आहे. गेल्या काही दिवसांपासून गोव्या पावसाचा जोर मंदावला असून, चतुर्थीत देखील जोर कमीच राहणार आहे.

बेशिस्त पार्किंग आणि चतुर्थीच्या गर्दीमुळे पणजी बाजारात वहातूक ठप्प झाली आहे. नागरिकांनी व्यक्त केला संताप.

मानसोपचार आणि मानवी वर्तणूक संस्था (IPHB) मधील एका वरिष्ठ लिपिकाला पाच वर्षांच्या कालावधीत कर्मचाऱ्यांच्या पगारातून ₹ 24 लाखांची उधळपट्टी केल्याप्रकरणी निलंबित करण्यात आले आहे.

शांतीनगर, वास्को येथे पार्क करण्यात आलेल्या ट्रकच्या केबिनला अचानक आग लागली. घटनेत तीन लाखांचे नुकसान झाले असून, मोठी दुर्घटना टळली.

फार्मागुडी - ढवळी बायपास मार्गावर वाहनाच्या धडकेत दोन गायींचा जागीच मृत्यू झाला. पोलिसांनी घटनास्थळी धाव घेत पंचनामा केला. अधिक तपास सुरु आहे.

राज्यात मागील दोन दिवसांपासून पावसाचा जोर मंदावला आहे. आज राज्यात मध्यम स्वरुपाच्या पावसाची शक्यता आहे. तर, शनिवारपासून पावसाचा जोर मंदावण्याची शक्यता आहे. हवामान खात्याने शनिवारपासून दोन दिवस ग्रीन अलर्ट जारी केला आहे.