New Universities In Goa: गोव्यात येणार नवीन चार विद्यापीठे; सरकारकडून तत्वत: मान्यता

New Universities In Goa: गोव्यात लवकरच नवीन चार विद्यापीठे येणार आहेत. राज्य सरकारने विद्यापीठांना तत्वत: मान्यता दिली आहे. अंतिम मंजुरीनंतर येत्या काही वर्षात राज्यात चार नवी विद्यापीठे सुरू होऊ शकतात.

सरकाराने खासगी विधेयक मंजूर केल्यानंतर गोव्यात नवीन विद्यापीठ सुरू करण्यासाठीचे अडथळे दूर झाले. त्यानंतर आता विद्यापीठ सुरू करण्यासाठी प्रत्यक्ष अर्ज येऊ लागले आहेत.

कोणत्या विद्यापीठांना मान्यता

1) उच्च शिक्षण संचालनालयाने वडोदरा-गुजरात येथील पारुल आरोग्य सेवा मंडळ ट्रस्ट या संस्थेचे पारुल विद्यापीठ

2) जयपूर-राजस्थान येथील कौशल्य विकास आणि उद्योजकता ग्लोबल फाऊंडेशनचे कौशल्य विकास विद्यापीठ

3) पुणे येथील माईरच्या एमआयटी ग्रुप ऑफ इन्स्टिट्यूशनचे डॉ. विश्वनाथ कराड जागतिक शांती विद्यापीठ

4) गोव्यातील सुनापरान्ता फाऊंडेशनच्या सुनापरान्ता विद्यापीठ

सरकाराने वरील चार विद्यापीठांना राज्यात विद्यापीठ सुरू करण्यासाठी तत्वत: मान्यता दिली आहे. मात्र, अद्याप अंतिम मंजुरी देण्यात आलेली नाही.

साळगावकर कंपनीच्या प्रस्तावात डिझाईन, बीए व एमए, मास मीडिया, डेटा सायन्स व अॅनिमेशन या अभ्यासक्रमांचा समावेश आहे. माईर ग्रुपच्या विद्यापीठात अभियांत्रिकी, वैद्यकीय, व्यवस्थापन, विज्ञान, डिझाईन, फार्मसी, लिबरल आर्ट्स, कायदा, पत्रकारिता व इतर अभ्यासक्रम. तसेच,

पारुल विद्यापीठाच्या प्रस्तावात कौशल्य विकास डिप्लोमा अभ्यासक्रम, बी व्होकेशनल, एम. व्होकेशनल, डॉक्टरल प्रोग्राम व इतर अभ्यासक्रमांचा समावेश आहे.