पर्ये: सत्तरीतील रावण कॉलनी- केळावडे ( kelavade, Ravan colony in sattari taluka) येथील साटयेच्या ओहोळावरील (satye rivulet ) पुलाचा (bridge) रस्ता खचला असल्याने मोठ्या पावसात तो आणखी खचून रस्ता वाहून जाण्याची शक्यता आहे. तेव्हा त्यांची त्वरित दुरुस्ती करावी अशी मागणी केली जात आहे.
दरम्यान, दोन दिवसांपूर्वी पडत असलेल्या पावसामुळे या पुलावरुन पाणी वाहत होते त्यामुळे हा रस्ता आणखी कमकुवत झाला आणि खचायला सुरुवात झाली. या पुलाची उंची कमी असून तो सिमेंटच्या पाईपचा आहे. त्याच्या दुरुस्तीची मागणी गेल्या अनेक वर्षांपासून केली जात आहे. दरम्यान घोटेली 2 ते केळावडे मार्गावर हा पूल आहे. जर हा रस्ता खचल्यास या मार्गावरील वाहतूक बंद होईल व त्याचा परिणाम या दोन्ही गावातील नागरिका साहित या मार्गावरून प्रवास करणाऱ्या वाहन चालकांना होईल.
तसेच केरीतून तळेखोल- दोडामार्ग जाण्यासाठी या मार्गाचा अवलंब करतात. त्यामुळे याचा परिणाम आंतरराज्य वाहतुकीवर पडेल. त्यामुळे त्याची दुरुस्ती करावी अशी मागणी होते. या संबंधी वाळपोई सार्वजनिक बांधकाम खात्याचे सहाय्यक अभियंता देवेंद्र वेलींगकर यांना विचारले असता हा रस्ता खचल्याची माहिती आम्हाला मिळाली, असून त्याची पाहणी करून त्वरित दुरुस्ती केली जाणार आहे. याच्या दुरूस्तीची प्रक्रिया सुरू केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
