corona Omicron Variant
पणजी : गोव्यात आणखी 4 जण ओमिक्रॉनने बाधित झाल्याचं समोर आलं आहे. कोरोना चाचणी पॉझिटिव्ह आल्याने काही नमुने गोव्यातून पुण्याला पाठवण्यात आले होते. आज त्यांचा अहवाल पॉझिटिव्ह आला आहे. यामुळे गोव्यासमोर निर्बंधांचं सावट आणखी गडद झालं आहे. पुण्यातील NIV मध्ये हे नमुने पाठवण्यात आले होते.
धक्कादायक बाब म्हणजे ज्या 4 जणांचे अहवाल पॉझिटिव्ह आले आहेत, त्यापैकी एका रुग्णाची कोणतीही टॅव्हल हिस्टरी नाही. याचाच अर्थ हा रुग्ण कोणत्याही बाहेरील देशात किंवा राज्यात प्रवास करुन आलेला नाही. त्यामुळे गोव्यात (Goa) आता ओमिक्रॉनच्या (Omicron Variant) समूह संसर्गाची भीतीही व्यक्त केली जात आहे. जर गोव्यात समूह संसर्गाची शक्यता असेल तर सरकारला तातडीने उपाययोजना आखणे गरजेचे आहे.
गोव्याचे आरोग्यमंत्री विश्वजीत राणे (Vishwajit Rane) यांनी याप्रकरणी मुख्यमंत्र्यांशी (CM) चर्चा करुन निर्णय घेणार असल्याचं सांगितलं आहे. ओमिक्रॉनचं संकट गोव्यावर घोंघावताना दिसत असल्याने गोव्यात निर्बंध आणखी कडक करण्यापूर्वी मुख्यमंत्र्यांसोबत बैठक करणार असल्याचंही त्यांनी स्पष्ट केलं.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
